11:59 AM
ရင်နင်အောင်
ဒီနေ့လည်း ဆောင်းတွင်းပဲ
နှင်းတွေမိုးမချုပ်သေးပါဘူး ...။
ကပိုကရီ ကျကျလာတဲ့ မနက်ခင်း
ခပ်ပြန့်ပြန့်လေး စီးဆင်းလာ
ပန်းတွေ အသင်္ချေ ပွင့်ကုန်ကြ
ဆောင်းဆိုတာ ဒါပါ
နှင်းနဲ့ တသားတည်းဆိုတဲ့ ကောင်
ယောင်ပြီးတော့တောင် မိုးမလင်းဘူး ။
နှင်းခါးရိုက်ခံရတဲ့ အိပ်မက်
ဖြန့်ကျက်ကောင်းကင် အပေါက်အပြဲ
အလဲလဲအကွဲကွဲ ခရာမှုတ်သံ ဆူညံ
တစ်သက်လုံး တောင်းမစားဘူးဆိုတဲ့ကောင်
ဒီနှင်းနဲ့ပဲ ကောင်းကင်မှာ ကျက်စား
အသားရေတွေ မာတင်းခဲ့ပုံက
ကောင်းကင်တွေပုပ်သိုး အနံ့ဆိုးတွေ လှိုင်ခဲ့ ။
ဒီလို လဲကျပုံမျိုးနဲ့တော့
ချော်လဲတယ် မပြောနိုင်ဘူး ...။
ဆူးနဲ့ ခင်းတဲ့လမ်း
ဒီလမ်းတွေ ကွေ့ကြပုံက
မိုးမမြင် လေမမြင်
သောင်တင်ကျန်ခဲ့တဲ့ အိပ်မက်အစအန
အစာဟောင်းတွေ ဘေးဖယ်
အစာသစ်တွေ ထည့်သွင်း
အနာဂတ်တွေထဲ
ဖြည့်ဆည်းသိမ်းကျူံးထည့်ဖို့ရာ
ခွန်အားတွေရှာ ...။
တ၀က်တပျက် အိပ်မက်
လန့်နိုးလာတဲ့ မနက်ခင်း
ဒီနေ့လည်း ဆောင်းတွင်းပဲ
နှင်းတွေမိုးမချုပ်သေးပါဘူး ...။
ရင်နင့်အောင်
Posted in: ကဗျာ
0 အကြံပြု ထင်မြင်ချက်များ:
Post a Comment