အတု အစစ်များ

(က)
တစ် နဲ့ နှစ် ရန်ဖြစ်ကြတယ်။ တစ်ကအာကျယ်ကျယ်နဲ့ ပြောတယ်။

“ငါကအဆင့် တစ်ကွ
မင်းထက်သာတယ်၊ ဘာမှတ်လဲ …”

နှစ်ကဘာမှ ပြန်မပြောဘူး။ စာရွက်ပေါ်မှာတစ်ခုချရေးပြတယ်။

“၂ > ၁” တဲ့။

နောက်တော့ ဘာတွေဆက်ဖြစ်ကြလဲမသိပါဘူး။ ကျွန်တော်လှည့်ထွက်လာလိုက်တယ်။ အိမ်ပြန်ရောက်တော့ ကျွန်တော် သုညဖြစ်သွားတယ်။

(ခ)
အဘိုးအိုက ထရီဇာကို တစ်ချက်ကြည့်ပြီ: ခေါင်းကိုခါရမ်းလိုက်တယ်။ ဘာဖြစ်လို့လဲလို့ မေးကြည့်တော့လည်း သူကဘာမှ ပြန်မပြောဘူး။ ဒီလူဘယ်လိုလူလဲလို့ တွေးပြီး ကျွန်တော်လည်းခေါင်းကို ခါရမ်းလိုက်တယ်။

(ဂ)
“မင်းကရင်နင့်အောင်လား”
“အင်းလေ”
“ငါ့နာမည်လဲရင်နင့်အောင်ဆိုရင် ရင်နင့်အောင် ဘယ်နှစ်ယောက်ဖြစ်သွားမလဲ”
“နှစ်ယောက်ပေါ့ဗျာ”
“ဒါဆိုဘယ်သူကရင်နင့်အောင် အစစ်လဲ”
“ဟ .. ကျွန်တော်ကအစစ်ပေါ့ဗျ”
“ဘာလို့လဲ … ငါနာမည်လဲရင်နင့်အောင် ပဲလေ”
“ဟာ .. နာမည်နဲ့တော့ အစစ်အတုခွဲလို့ ရမလား”
“ဒါဆိုမင်းကဘာနဲ့ အတုအစစ်ခွဲမှာလဲ”
“ ………………..”
ကျွန်တော်မသိတော့ဘူးဗျာ။ ခင်များတို့ ခွဲခြားနည်းသိရင်လည်းလာပြောကြဦး။

(ဃ)
ထမင်းဆိုင်မှာထမင်းစားနေတုန်းရင်နင့်အောင် ဆိုတဲ့ လူတစ်ယောက် အပေါင်းအပါတွေနဲ့ ရောက်လာတယ်။ သူတို့ အချင်းချင်းတီးတိုးပြောနေကြတယ်။

“တွေ့လားဟိုးဘက် ၀ိုင်းမှာ ထိုင်နေတဲ့ ကောင်”

ကျွန်တော်ကိုမေးငေါ့ပြပြီးသူကဆက်ပြောတယ်။

“လူပုံကဘာကောင်မှန်းမသိဘူး
သူ့ကိုယ်သူ ရင်နင့်အောင်တဲ့
ဒီခေတ်ကြီးမှာရင်နင့်အောင် အတုတွေကလည်းပေါပါဘိသနဲ့
မင်းတို့လည်းရင်နင့်အောင်အတုတွေနဲ့ သိပ်မပေါင်းကြနဲ့ ကြားလား”

ကျွန်တော် ဒေါသထွက်ထွက်နဲ့ ထမင်းဆိုင်ထဲမှာထအော်လိုက်တယ်။

“ငါက ရင်နင့်အောင် အစစ်ကွ”

ထမင်းစားနေတဲ့ လူတွေအကုန် ကျွန်တော့်ကိုအူကြောင်ကြောင်နဲ့ လှည့်ကြည့်ကြတာပေါ့။ ခဏနေတော့မှ အားလုံးက စာနာသွားပုံရပါတယ်။

ဝါး..ဟားဟား ဆိုပြီး ၀ိုင်းရယ်ကြရော။

ရင်နင့်အောင်

Posted in: ၀တ္ထုတို