အက္ခရာဆန်သော သူများ

(က)

“ဘာကွ မင်းက ဘာကို အပေါင်ထားမယ်

ပြန်ပြောစမ်းပါဦး”

“ဟုတ်. ကျွန်တော် မနက်ဖြန်ကို အပေါင်ထားချင်ပါတယ်”

“မနက်ဖြန်က ဘယ်လောက်တန်လို့လဲကွ”

“တန်ပါတယ်… ခင်ဗျား လုပ်ရပ်အတိုင်း အတိုင်းအဆမဲ့ တန်ပါလိမ့်မယ်”

“အေး.. ငါက အိပ်နေရင်ရောကွာ”

“ခင်ဗျားအိပ်နေရင်တော့ ခင်ဗျားအိပ်ယာလောက်ပဲ တန်ပါလိမ့်မယ်”

“ဟေ.. တော်ကွာ.. အလုပ်ရှုပ်တယ်

အပေါင်မခံနိုင်ဘူး… ရွှေပဲ အပေါင်ခံတယ် ဒါပဲ .. သွားတော့”

ကျွန်တော် ဘာမှ ပြန်မပြောတော့ဘဲ ထွက်ခဲ့လိုက်ပါတယ်။

(ခ)

“အနေအထိုင်သင်ချင်လို့ပါ ဆရာ”

ဗေဒင်ဆရာကြီးက မျက်မှန်ကနေ ပြူးပြတယ်။

“နေပါဦး .. မင်းက အနေအထိုင် မတတ်လို့လားဟ”

“ဟုတ်ပါတယ်”

“ဆိုပါဦး .. ဘယ်လို အနေအထိုင်မတတ်တာလဲ”

“ဟုတ်ကဲ့… ကျွန်တော် လမ်းလျှောက်ရင် ငုတ်တုပ်ကြီး ဖြစ်နေပြီး

ထိုင်ရင် မတ်တပ်ကြီး ဖြစ်နေပါတယ်ဆရာ”

“ဟေ …”

“ကျွန်တော် အခု ဆရာ့ရှေ့မှာ မတ်တပ်ရပ်နေတာပါ

ဒါပေမယ့် ဆရာထိုင်နေတယ်လို့ မြင်တယ်မလား”

“အင် .. မင်းက မတ်တပ်ရပ်နေတာလား ငါမြင်တာတော့ ထိုင်နေတာပါကွ”

“မဟုတ်ဘူးဆရာ … ကျွန်တော် ထိုင်ပြမယ် ဒီမယ်ကြည့်”

ဗေဒင်ဆရာကြီးက ကျွန်တော့်ကို မော့ကြည့်တယ်။

“ဟ … အဟုတ်သား… မင်းထိုင်တာက မတ်တပ်ကြီးပဲ”

ဗေဒင်ဆရာကြီးက ထုံးစံအတိုင်း မျက်မှန်ကြီးကနေ ပြူးကြည့်ပြန်တယ်။ ဒါပေမယ့် သူလည်း ဘာမှ မတတ်နိုင်လို့ ကျွန်တော် ပြန်လာခဲ့လိုက်တယ်။

(ဂ)

“ဘောလုံးကန်ရအောင်ဟေ့ …”

သူငယ်ချင်းတွေ စုပြီး ဘောလုံးကန်ကြမလို့ပါ။ ကျွန်တော်လည်း ၀င်ကန်လိုက်တယ်။ ထိုင်ပြီး ကန်ရတော့ ကျွန်တော် အဆင်မပြေပါဘူး။ ဒါနဲ့ မကန်တော့ဘဲ အပြင်ထွက် မတ်တပ်ထိုင်နေလိုက်တယ်။ ခဏနေတော့ အဘိုးရောက်လာပါတယ်။ သင်္ကြန်တွင်း ဘောလုံးကန်မယ့်အစား ဘုရားတရားလုပ်သင့်ကြောင်းပြောတော့ ကျွန်တော်လည်း လုပ်ဖို့ ဆုံးဖြတ်လိုက်ပါတယ်။

အဘိုးနောက်က ကျွန်တော် လေးဘက်ထောက်လိုက်သွားလိုက်တယ်။

တရားစခန်းနားရောက်မှ ကျွန်တော် တရားထိုင်ရင် မတ်တပ်ကြီး ထိုင်ရမှာ တွေးပြီး စိတ်ညစ်လို့ ပြန်လာလိုက်တယ်။

(ဃ)

လူထူးဆန်းတစ်ယောက်နဲ့ ကျွန်တော် လမ်းထူးဆန်းတစ်ခုမှာ ရိုးရှင်းစွာ ဆုံကြပါတယ်။

“ခင်ဗျားက တော်တော် ထူးဆန်းတာပဲ

ဘာလို့ ခုန်ဆွ ခုန်ဆွ သွားနေတာလဲဗျ”

“ငါ သွား … တတ်… သ…လို………….သွား… မှ……..ာ…  ပေါ့”

“အဲ.. ခင်ဗျားက စကားပြောတာက အစ ခုန်ဆွ ခုန်ဆွပြောတာပဲနော်”

“အေး.. ဟုတ်………………………တ………ယ်”

“ဟု…………….တ်…………………လ…….ား” လို့ သူပြောသလို လိုက်ပြောတော့ သူက စိတ်ဆိုးပြီး ခုန်ဆွ ခုန်ဆွနဲ့ ထွက်သွားလေရဲ့။ ကျွန်တော်လည်း ကိုယ့်အိမ်ကို လေးဘက်ထောက် ပြန်လာလိုက်ပါတယ်။

(င)

ဖိနပ်ဆိုင်မှာ ဖိနပ်ဝယ်နေတုန်း ကျွန်တော့်လိုပဲ ဖိနပ်လာဝယ်တဲ့ ကိုကင်းခြေများကို တွေ့ပါတယ်။

“ကျွန်တော့်အတွက် ဖိနပ် အရံခြောက်ရာပေးပါ”

ဆိုင်ရှင်က ဖိနပ်တွေ သေတ္တာလိုက် ထုတ်ပေးလိုက်ပါတယ်။ ကျွန်တော်လည်း မနေနိုင် မထိုင်နိုင် စပ်စုကြည့်ပါတယ်။

“ကိုကင်းခြေများ”

“ဘာတုန်းကွ”

“ခင်ဗျား ဖိနပ်တစ်ခါဝတ်ရင် ဘယ်လောက်ကြာလဲဗျ”

“မြန်မြန်ဝတ်ရင် နေ့တစ်ဝက်လောက်ပဲကွ”

“အော် .. မြန်သားပဲ.. ကျွန်တော်က တော်တော်ကြာမယ် ထင်နေတာ”

“ဘယ်က မြန်ရမှာလဲ… ငါပြောတဲ့ နေ့တစ်ဝက်ဆိုတာ မင်းတို့ လူတွေရဲ့ နေ့တစ်ဝက်ကွ

ငါတို့အတွက် ဆယ်ငါးနှစ်လောက်ကြာတယ်”

“အန်… ဆယ့်ငါးနှစ်.. ဟုတ်လားဗျ”

“အေးပေါ့… တစ်ချို့ဆို ဖိနပ်ဝတ်လို့မပြီးခင်.. သေသွားရှာတယ်ကွ

တစ်ချို့မဟုတ်ပါဘူးကွာ… ကင်းခြေများ အကောင်တစ်ရာမှာ

ရှစ်ဆယ်ကျော်ကျော်က ဖိနပ်ဝတ်လို့ မပြီးခင် သေကြတာပဲ”

“အန်.. ဒါများဗျာ.. ဖိနပ်မပါဘဲ သွားလိုက်ပါတော့လား..

အချိန်ကုန်လိုက်တာ.. ခင်ဗျားနဲ့”

“ဘာကွ…”

ကင်းခြေများကြီးက စိတ်ဆိုးဆိုးနဲ့ အော်ပြောပါတယ်။

“ဒီမယ် .. မင်းမြဲမြဲမှတ်ထား… ဖိနပ်မ၀တ်ရင် လမ်းသွားတော့ ဆူးဆူးမှာပေါ့ ငတုံးရဲ့” ။

(စ)

ဈေးဝယ်ပြီး အပြန်လမ်းမှာ လူတစ်ယောက်ငိုနေတယ်။

“ဒီမယ် ဟေ့လူ… လူတွေ ၀ိုင်းကြည့်နေတယ်ဗျ မငိုနဲ့ကြားလား”

“အင်း” ဆိုပြီး သူချက်ချင်း အငိုတိတ်သွားတယ်။

“ဘယ်နှယ့်ကြီးတုန်း ခင်ဗျားက တိတ်ဆိုတော့လည်း ချက်ချင်းတိတ်သွားပါလားဗျ”

“ဟီး…” ဆိုပြီး သူက ပြန်ငိုပြန်ရော…။

“ဟောဗျာ.. ခင်ဗျား ဘာဖြစ်ပြန်ပြီလဲ”

“အဲဒါပေါ့.. ငါဟာ ကျိန်စာမိထားတယ်ကွ … စိတ်ညစ်လို့ ငိုနေတာ.. ဟီး…”

“ကျိန်စာ.. ဟုတ်လား.. ဘယ်လိုကျိန်စာလဲဗျ”

“ဆိုးပါတယ်ကွာ .. ငါဟာ သူများပြောတိုင်း လိုက်လုပ်ရတယ်ကွ..

မလုပ်လို့ကို မရတာ… ဟီး…” ဆိုပြီး ဆက်ငိုပြန်ပါရောဗျာ။

“ဟောဗျာ.. ခင်ဗျား မငိုနဲ့ တိတ်ဗျ”

“အင်း” ဆိုပြီး ချက်ချင်းတိတ်သွားပြန်ရော..။

“အဲ .. ဟုတ်သား.. ကျုပ်ပြောတာနဲ့ လိုက်လုပ်တာပဲပေါ့ ခင်ဗျားက

ဆက်ငိုဗျာ”

“ဟီး….”

“တိတ်ဗျာ”

“အင်း..”

“ခင်ဗျား ဈေးကို ညနေထိ ပတ်ပြေးဗျာ..”

“အင်း” ဆိုပြီး ထိုသူ ပတ်ပြေးတော့တာပဲ။ ကျွန်တော်လည်း အိမ်ကို လေးဘက်ထောက်ပြီး ပြန်လာခဲ့ပါတယ်။

(ဆ)

ဆေးဆရာကြီးတစ်ဦးပါ။

“ဆရာကြီး”

“ပြော.. လူကလေး…”

“ဆရာကြီးက ဘာဆေးတွေများဖေါ်ရောင်းတာလဲဗျ”

“မသိချင်ပါနဲ့ကွာ”

“သိချင်ပါတယ်ဗျာ”

“သိချင်လည်းပြောပြမယ်ကွာ

ငါဖေါ်တဲ့ဆေးက တစ်မျိုးတည်းပါ မသေဆေးကွ”

“ဟား.. ဟား.. ဆရာကြီးကလည်း မဖြစ်နိုင်တာ

မသေဆေးသာ ဖေါ်နိုင်လို့ကတော့ ဆရာကြီးကို တစ်ကမ္ဘာလုံးက သိနေမှာပေါ့”

“မယုံလည်းနေပေါ့ကွာ…”

“ဒါဆို.. သက်သေပြဗျာ.. ဆရာကြီးရဲ့ ဆေးစားပြီး မသေတဲ့သူရှိလားဗျ”

“မရှိလို့ပေါ့ကွာ.. ရှိရင် မင်းပြောသလို နာမည်ကြီးနေပြီပေါ့”

“အွန်.. ဒါနဲ့များ.. မသေဆေးတဲ့.. ဟား.. ဟား…”

ဆေးဆရာကြီးက မျက်မှောင်ကြုတ်ကာ ပြန်ဖြေပါတယ်။

“ဒီမယ် လူကလေး.. ကျုပ်ဆေးက .. တကယ်မသေဆေးကွ

ဒါပေမယ့်.. ဒီဆေးကို စားရင် မသေချင်တဲ့ လောဘနဲ့ စားလို့မရဘူး…

ခက်နေတာက .. ဒီဆေးကို စားသူတိုင်းဟာ မသေချင်လို့ စားခဲ့ကြတာချည်းပဲ

ဒါကြောင်း ဆေးစွမ်းမထက်တာကွ”

“အင်.. ဆရာကြီးဆေးကလည်း

မသေဆေးလည်းပြောသေး…. မသေချင်ရင် ဆေးစွမ်းမထက်ဘူးတဲ့”

ဆေးဆရာကြီးက ဘာမှ ဆက်ရှင်းမပြတာနဲ့ ကျွန်တော်ပြန်လာခဲ့လိုက်တယ်။ ဈေးမှာတွေ့ခဲ့လူကို သေလိုက်တော့လို့ပြောပြီး ဆေးဆရာကြီးရဲ့ ဆေးတိုက်ကြည့်ပြီး စမ်းသပ်ရမယ်လို့ ခင်ဗျားတို့ကော မထင်ကြဘူးလား။ အပြန်လမ်းမှာတော့ ကိုကင်ခြေများကြီးက သစ်ပင်အောက်မှာ ဖိနပ်ဝတ်နေလေရဲ့။

ရင်နင့်အောင်

Read more »

Posted in: ၀တ္ထုတို

ပို့စ်မော်ဒန်ခေတ်ထဲက လူ

“ပို့စ်မော်ဒန်ခေတ်ကြီးကုန်သွားပြီ”တဲ့။


ဟုတ်လား။ ခင်များသေချာလို့လား။ ဒါဆို ငါ့ဘ၀ကြီး သွားပြီ။ အဲ..။ လေကြီးလေကျယ်တွေ ငါလျှောက်ပြောမိပြီလား။ နေပါဦး။ လေကြီးကြီး၊ လေကျယ်ကျယ်။ လူတစ်ယောက်ကဒီပါးစပ်ပေါက်ကပဲပြောရတာ။ ဒါကိုဘယ်လိုလုပ် လေကြီးလေကျယ် ဖြစ်သွားရတာတုန်း။ ထားပါ။ ခင်များကအွန်သည် အဲလီးဖန့်(on the elephant) ပဲ။ ဘ၀ဆိုတာ ဘာညာ၊ ဒီခေတ်ကြီးမှာဘာညာ။ တော်ပါတော့ဗျာ။ ဟုတ်ပါပြီ။ ခုခင်များစားနေတာတဲ့ ကင်ချီကကော ကလပ်စစ်ကြီးဟုတ်လို့လား။
ကဲ။ ထ။ ငါတို့ လုပ်ရှားကြမယ်။ မှောင်နေပေမယ့် ငါတို့မှာဖယောင်းတိုင်တွေ ရှိတယ်။ တို့တွေ လောကကို မီးထွန်းကြည့်ရအောင်လား။


ဟုတ်ပြီ။ ဟုတ်ပြီ။ မြင်ရပြီ။
အန်။ ပန်းလက်ဖ၀ါးလား။ အော်။ တာရာမင်းဝေက သေသွားပြီ၊ စိတ်မကောင်းပါဘူးဗျာ။ သစ္စာနီလား။ ပျောက်နေတယ်ဗျ (သူ့ ၀တ္ထုထဲကအတိုင်း)။ အဲ။ မမေးနဲ့။ ခင်များမေးမှာ ကျူပ်သိတယ်။ မင်းခိုက်စိုးစန်က ပဟေဠိနန်းတော်မှာ ခုနေရပ်ရင် တစ်သိန်းပေးမယ်တဲ့။ ဒါဆိုတို့ရဲ့ ပို့စ်မော်ဒန်စာပေတွေ ဘယ်လိုလုပ်ကြမလဲ။ ဘယ်သိမလဲဒါတော့။ နေပါဦး။ စန္ဒရားဆိုလား၊ ပတ္တလားဆိုလား၊ ကြွက်ဖြတ်ပြေးတဲ့ ကျားပေါက်တစ်ယောက်ရော။ သူလား။ ကင်ဆာသီချင်းဆိုပြီးကင်ဆာဖြစ်နေပြီ။ ဘာကင်ဆာလဲဆိုတော့၊ နောက်ဆုံးပေါ် ပန့်ကင်ဆာပေါ့ဗျာ။ ခက်ပြီ။ အဲဒါမှ။
ငါတို့လိုတာကပို့စ်မော်ဒန်ပါ။
“ဘယ်ရောက်ကုန်လဲဟေ့။ ဘယ်ရောက်ကုန်ကြပြီလဲ”
“ခင်မျာ.. အစ်ကိုကြီးပိုက်ဆံရှင်းမလို့လား”
“ဟာကွာ…သောက်နေတဲ့ လက်ဖက်ရည်တောင် မကုန်သေးဘူးကွ၊ မင်းကလည်း”
ကဲ၊ ခက်ပေဘူးလား။ လူတွေက။ ဘာကိုမှ နားလည်မှု မရှိဘူး။




“ သေချာလို့လားဗျာခင်များဟာက”
“ သေချာတာပေါ့ဗျာခုခေတ်က third generation ခေတ်ကြီးဗျ
စကားတိုင်းကိုအမြန်ပြောနိုင်မှ ဖြစ်မှာ
တစ်စက္ကန့်မှာခင်များစကားလုံး နှစ်ဆယ်လောက် ရွတ်နိုင်ရမယ်”
ဘုရားရေ။ သတ်ဂျနရေးရှင်းတဲ့။ဘာတဲ့။ အော်။ တွစ်ဆိုလား။ ဂန်းစတားရပ်ပ် ဆိုလား။ အဲ။ ခက်ကုန်ပါပြီ။ နေပါဦး။ ဒါကအနုပညာတဲ့လား။ ဒို့ရဲ့ ရော့ဒ်စတီးဝပ်တောင် ဒါကိုကြောက်လို့ဘုရားသခင်ဆီ ရွက်လွှင့်သွားခဲ့လေသလား။ အိုကေ။ အားလုံးကိုအရှုံးပေးပါတယ်ဗျာ။ တစ်ခုပဲ။ လီယိုနာဒိုဒါဗင်ချီရေ။ ရေရှုရဲ့ နောက်ဆုံးညစာမှာ ငါလည်းစားချင်တယ်။


အင်း။ သိသားပဲဗျ။ သိပ်သိတာပေါ့။ လူဟာမှားတတ်ကြတော့ “ငါ .. မှားတာရှိရင် တောင်းပန်ပါတယ်” ဆိုလိုက်ရင် ပေါက်ပြီပေါ့။ ကိုလေးဖြူကလည်းဘယ်ခံမှာလဲ။ မခံဆို၊ ဘာမှလုပ်စရာမလိုဘူး။ ချယ်ရီဦးမှာ နာရီကြော်ငြာမင်းသားလုပ်နေတာ မအားဘူးဗျ။ ဒါဆိုသေပြီ။ မသေပါဘူး။ သွေးနဲ့ရေးခဲ့တဲ့ ကျောက်စာမင်းသား တို့ ကိုမျိုးကြီး ရှိသေးတယ်။ အာ။ သူက ရိုးရှင်းစွာပဲ မြန်မာဘီယာကိုအမြည်းမစားဘဲသောက်နေတယ်။ ဟ။ လုပ်ကြပါဦးဟ။နေဦး။ နေဦး။ တို့တွေ စောင့်ရဦးမယ်။ လှိုင်ဦးမော်က အိုလှိုင်ဦးမော်လုပ်နေပြီ။ လင်းလင်းက ပြန်လာပါ ပို့စ်မော်ဒန်လုပ်နေပြီ။ ၀န့်တက်က လူ မအ-တအ ဂီတလုပ်နေပြီ။ စီးတီးအပ်ဖ်အမ်ကနားမလည်အောင် အဆိုနိုင်ဆုံးဆုပေးဖို့ပြင်နေပြီတဲ့။
“ခင်များကစိုးရိမ်နေလို့ပါဗျာ … ပို့စ်မော်ဒန်ဆိုတာမသေပါဘူး
ခုတောင် ဒေါ်လာဈေးတွေ ကျနေပြီမလား”
“အာ… ဘာဆိုင်လို့လဲဗျ”
“အေး..အဲဒီ.. မဆိုင်တာကိုကခင်များတို့ရဲ့ Epiphany ဆိုတဲ့ ပို့စ်မော်ဒန် သဘောတရားတစ်ခုလေဗျာ”
ဖြတ်ခနဲလား။ အော်။ နားလည်ပြီ။ဒါဆိုဘော်ဒါ။ ပြန်မလာနဲ့ဦး။ အဲ။ မသိဘူး။ မင်းလာချင်လည်းလာပေါ့။ ဒီမှာကောဟိုမှာကော။ ဘာမှ မထူးဘူး။ တော်ကြာမှ ………….။ တော်ပြီ..။ မပြောတော့ဘူး။ အဲဒီ့ ကိစ္စ။ တို့ရဲ့ အင်းစိန်နဲ့ အိုးဘိုကလည်းကလပ်စစ်ကြီးဗျ။ ခုပြောချင်တာကဂျပ်စင်ထိပ်ကလာရိပ်ပြာမှာငါတို့ ပန်းချီဆွဲရအောင်လေ။ဒါမှမဟုတ် ငါ့အတွေးများလည်းမီးခိုးတွေအူအောင် ကခုန်ကြည့်ကြစို့ရဲ့။


“အားလုံး … အားလုံး..
ခင်များတို့ရဲ့ ပြဿနာတွေ ကျူပ်သိပါတယ်ဗျာ…
ခင်များတို့ မျှော်လင့်နေတဲ့ ပို့စ်မော်ဒန်ကိစ္စကို ဘာမှ မပူနဲ့ဗျ…
ဖြေရှင်းပေးမယ့်လူတစ်ယောက်ရှိပါတယ်..”
“အဲ …”
“အို ….”
“ဟင် ….”
“ဟုတ်ရဲ့လားဟေ့ ………….”
အင်း။ ခင်များတို့ သိကြတဲ့အတိုင်း။ ခုခေတ်ကအိုင်တီခေတ်။ အိုင်ပတ်တွေ။ အိုင်ပေါ့တွေ၊ အိုင်ဖုန်းတွေ။ အိုင် ဆဲဗင်းတွေ။ တအိုင်တဲအိုင်ကြတဲ့ ခေတ်။ ဟာဗျာ။ ကြာပါတယ်ဗျာ။ ဖာစီဘွတ်သိတယ်မလား။ အဲ။ faဖာ၊ ceစီ၊ ဖာစီဘွတ်။ ဟ၊ faနဲ့ceကိုတွဲဖတ်။ face book ဖေ့စ်ဘွတ်ဟ။ အော်အေး။ ဖေ့စ်ဘွတ်ကိုပြောပါတယ်။ အဲဒီမှာငနဲတစ်ကောင် ပို့စ်မော်ဒန်တွေ ရေးနေပြီ။ ဘာတဲ့ နာမည်ကရင်နင့်အောင်တဲ့။






“ ဟေး…. ရင်နင့်အောင်တဲ့ ကွ”
“ဟေး .. ရင်နင့်အောင် ပို့စ်မော်ဒန်နစင် ကွ”
“အိုပါး .. ခိုမားစီးမိသ .. အိုပါးရင်နင့်အောင် စာတာညိ”
“၀မ်းစ်မိုး .. ဗရာဗို …ရင်နင့်အောင် … ယူအာ ၀ဲလ်ကမ်း”
“ဟိုက် .. အာတီးကတ်သို့ကိုစိုင်းမက်.. ရင်နင့်စံ …”
“မင်္ဂလာအပေါင်းခညောင်းရင်း အားလုံးအဆင်ပြေအောင် ရင်နင့်အောင် လာပါပြီခင်များ  .. ဒူဝေ ..ဒူဝေ …”




အဲ.. ဘာတုန်းဟ။
အင် .. ဘယ်လိုဖြစ်တာတုန်း။
အာတားစွတ်တော့ဘူး။
ဟေး ..၀တ်.. ဟပ်ပန်း .။
ခဏလေးဗျာ။ ရင်နင့်အောင် စန္ဒီမြင့်လွင်ရှိူးပွဲသွားကြည့်နေလို့။
ဂွိ။

Read more »

Posted in: ၀တ္ထုတို

မေတ္တာတရားဖြင့် ပျံသန်းခြင်း

(၁)
အဲဒီနေ့က စွန်လေး ကျွန်တော်ဆီ ရောက်လာခဲ့သည်။ အဲဒီနေ့က ကောင်းကင်မှာ တိမ်တွေ မရှိခဲ့ဘူး။ နွေဦးရဲ့ ခပ်ပြင်းပြင်းလေတစ်ချို့ကို ခံစားနေချိန်မှာပဲ စွန်လေးက ကျွန်တော့်ဆီရောက်လာခဲ့တာပါ။
          “မင်းက ဘယ်သူလဲ၊ ဘယ်ကလဲ”
          “ကျွန်တော်က စွန်လေးလေ၊ လေတံခွန်လေးဆိုလည်းဟုတ်တယ်၊  ဟိုး … မိုးပေါ်က လာတာပေါ့”
စွန်လေးက ကောင်းကင်ရဲ့ တစ်နေရာကို လက်ညိုးထိုးပြပြီး ကျွန်တော့်မေးခွန်းကို ဖြေပါသည်။
          “မိုးပေါ်က      ဟုတ်လား”
စွန်လေးက ခေါင်းညိမ့်ပြတော့ ကျွန်တော်က မေးခွန်းထုတ်ပါသည်။
          “နေပါဦး၊ မင်းက မိုးပေါ်ကလာတာဆိုတော့ ပျံတတ်လို့လား
          မင်းမှာ အတောင်ပံမှ မပါဘဲ”
စွန်လေးက ဘာမှပြန်မပြောဘဲ ပြုံးတုံးတုံးလုပ်နေပါသည်။ သို့သော် သူ့အပြုံးက အပြစ်ကင်းစင်သော ကလေးငယ်တစ်ယောက်၏ အပြုံးမျိုး။
          “အစ်ကိုကကော ပျံတတ်လား”
          “ဟင်အင်း”
ကျွန်တော်က ခေါင်းခါပြတော့ စွန်လေးက
          “ဒါဆို မိုးပေါ်မရောက်ဖူးဘူးပေါ့ ဟုတ်လား” လို့ မေးပါသည်။
          “မိုးပေါ်လား၊ ရောက်ဖူးတယ်ကွ၊ လေယာဉ်ကြီးစီးတုန်းက”
          “ဟင်၊ အစ်ကိုလည်း အတောင်ပံမရှိဘဲ မိုးပေါ်ရောက်နိုင်သလို၊ ကျွန်တော်လည်းရောက်နိုင်တာပဲလေ”
          “သြော်၊ အဲလိုလား”
          “အင်း”
မှတ်မှတ်ရရ အဲဒီနေ့က တိုက်သည့် လေတွေကြောင့် သစ်ရွက်တွေ ပိုကြွေခဲ့သည်ဟု ကျွန်တော်က ထင်ခဲ့မိသည်။ နွေဦး၏ လေရူးအဝေ့ အခြေမခိုင်သော ရွက်ဝါတို့ တဖြုတ်ဖြုတ်ကြွေကျခဲ့ကြသည်။ အဲဒီနေ့က။ စွန်လေးနဲ့ ကျွန်တော်သည် စကားတွေ အများကြီးပြောဖြစ်ခဲ့ကြသည်။ သူဟာ သူ့ဘ၀ကို ကျေနပ်မှု အပြည့်အ၀ ရှိခဲ့သူတစ်ယောက်ပေါ့။
          “ဒီနေရာလေးက အရမ်းအေးချမ်းတယ်နော် အစ်ကို
          အစ်ကိုက ဒီနေရာမှာ နေ့တိုင်း လာထိုင်နေကျလားဟင်”
ဒီနေရာဆိုသည်မှာ ကျွန်တော်အိမ်၏ မလှမ်းမကမ်းက ညောင်ပင်အိုအောက်ကို သူက ဆိုလိုတာပါ။
          “အင်း”
ကျွန်တော်ခေါင်းညိမ့်ပြတော့ သူက ဘာမှ ဆက်မပြောတော့ဘဲ တိတ်ဆိတ်ငြိမ်သက်နေပြန်သည်။ အဲဒီနေ့က သူ့ကို ဘာတွေစဉ်းစားနေတာလဲလို့ ကျွန်တော်မမေးဖြစ်ခဲ့ပါ။ သူကတော့ လေတွေတိုက်သည့်အခါ သစ်ရွက်တွေ ကြွေကျသွားတာကို ကြည့်လိုက်၊ ကောင်းကင်ပြာပြာကြီးမှာ လေဟုန်စီးနေသည့် ငှက်တွေကို ကြည့်လိုက်နှင့် ငြိမ်ချက်သားကောင်းနေပြန်ပါသည်။
          “အစ်ကို၊ ဒီနေ့ မိုးရွာမယ်ထင်လားဟင်”
          “မရွာဘူးထင်တယ်၊ တိမ်တွေမှ မရှိဘဲ”
ကျွန်တော့စကားကြားတော့ သူက တော်သေးတာပေါ့ဟုဆိုကာ သက်ပြင်းချသည်။
          “ဘာလို့လဲ စွန်လေးရဲ့၊ မင်းက မိုးရွာတာမကြိုက်လို့လား”
          “မကြိုက်ဘူး၊ လုံးဝပဲ” လို့ သူက ခါးခါးသီးသီးငြင်းသည်။
          “ဘာလို့လဲကွ”
          “အစ်ကိုကလည်း စွန်ဆိုတာ မိုးရေထိရင် စုတ်ပြဲသွားတာလေ
          ကျွန်တော့်ဘ၀ကို စုတ်ဖြဲမယ့် မိုးကို ကျွန်တော်က ဘယ်ကြိုက်မှာလဲ”


xxxxxxxxxxxxxxxxxxx……xxxxxxxxxxxxxxxxxxxxx
(၂)
စက္ကူဆိုသည်မှာ ရေမှာ စုတ်ပြဲတတ်၏။ ထို့ကြောင့် စက္ကူဖြင့် လုပ်သော လေတံခွန်များ၊ စက္ကူဖြင့် လုပ်သော အိတ်များ၊ စက္ကူဖြင့် လုပ်သော စာအုပ်များသည်လည်း ရေမှာ စုတ်ပြဲကြရ၏။ ကျွန်တော်တို့၏ ဘ၀များသည်လည်း စက္ကူဖြင့် ပြုလုပ်လေသလားဟု ကျွန်တော်က မေးခွန်းထုတ်ချင်ပါသည်။
ဘ၀ဆိုသည်မှာ စုတ်ပြဲလွယ်သည့် အရာတစ်ခုဆိုလျှင် ကျွန်တော်တို့တတွေသည် မွေးလာကတည်းက ပလက်စတစ်လောင်းခဲ့ဖို့ ကောင်းပါသည်။ သို့သော် မာခေါက်ခေါက်နှင့် ထားရသိုရလွယ်မည်မထင်။ တခါတရံ သင်သည် စက္ကူတစ်ရွက်လို ပျော့ပြောင်းကွေးညွှတ်သင့်ကြောင်း အကြံပေးပါက သင်လက်ခံပါမည်လား။ စက္ကူတစ်ရွက်လို စုတ်ပြဲမှာ စိုးသဖြင့် ဘယ်မှ မသွားဘဲ၊ ဘာမှမလုပ်ဘဲ တစ်နေရာရာမှာ ပုန်းနေဖို့ ကျွန်တော်ကြံစည်ခဲ့ဖူးပါသည်။ သို့သော် ထိုနေ့က ငြီးငွေ့စရာကောင်းလွန်းသဖြင့် ကျွန်တော် မိုးရေ ထွက်ချိုးဖြစ်ခဲ့သည်။
နောက်ဆုံးတော့ ကျွန်တော်သည် သွားစရာရှိတာသွား၍ လုပ်စရာရှိတာလုပ်လိုက်မည်ဟု အလွယ်လေးတွေးလိုက်ပါသည်။ စုတ်ပြဲမည်ဆိုလည်း အလိုက်သင့် စုတ်ပြဲလိုက်ရုံပင်။ ဘာမှ အသုံးမချဘဲ ဆွေးမြေ့သွားသည်ထက် လုပ်ချင်တာလုပ်ရင်း မတော်တဆ စုတ်ပြဲသွားရသည်က ပိုကောင်းပေလိမ့်မည်။


xxxxxxxxxxxxxxxxxxx……xxxxxxxxxxxxxxxxxxxxx


(၃)
          ညောင်ပင်အိုကြီးအောက်ရောက်တော့ စွန်လေးက
          “အစ်ကို ဒီနေ့နောက်ကျတယ်” လို့ပြောပြီး နှုတ်ဆက်သည်။
          “ဘာလဲ၊ မင်းက အစ်ကို့ကို မျှော်နေတယ်ပေါ့”
ကျွန်တော်မေးခွန်ကို သူက ဘာမှ ပြန်မပြောဘဲ ခေါင်းညိမ့်ပြပါသည်။ သူ၏ ဖြူစင်မှုကို ကျွန်တော်က အကြောင်းပြချက်မရှိ အကြွင်းမဲ ယုံလိုက်ပါသည်။ အဲဒီနေ့ကလည်း ညောင်ပင်အိုကြီး၏ အရိပ်အာဝါသသည် အရင်ကလို တိတ်ဆိတ်အေးချမ်း၍ သာယာနေ၏။ ညောင်ပင်အိုကြီးဟု ဆိုရခြင်းမှာ ဤညောင်ပင်၏ သက်တမ်းမှာ ကျွန်တော့ အဖိုးထက်ပင် ပိုကြီးသည်ဟု သိထားသောကြောင့် ဖြစ်ပါသည်။ ကလေးဘ၀ကတည်းက ကျွန်တော်သည် ဤညောင်ပင်၏ အရိပ်အောက်တွင် ဆော့ကစားခဲ့ပါသည်။
          “အစ်ကို၊ ဒီနေ့လည်း မိုးမရွာလောက်ပါဖူးနော်”
စွန်လေးက ကောင်းကင်တစ်နေရာဆီမှ တိမ်တွေကို ကြည့်ရင်း မေးသည်။
          “အင်း၊ မရွာလောက်ပါဘူး”
မရွာလောက်ပါဘူးလို့ ကျွန်တော်က ပြောခဲ့သော်လည်း ရာသီဥတုဆိုသည်မှာ ကြိုတင်တိတိကျခန့်မှန်း၍ မရနိုင်သော အရာပါ။ တကယ်တော့ ရာသီဥတုမှ မဟုတ်၊ ဘယ်အရာကကော ကြိုတင် သိရှိထားနိုင်လို့လဲ။
          ဘ၀ဆိုသည်မှာ အပေါ်ဖဲချပ်နှင့်တွဲ၍ အကောင်းဆုံးဖြစ်မည့် အောက်ဖဲတစ်ချပ်ကို ဖြည်းဖြည်းချင်း ပွတ်ကြည့်ရသလိုမျိုး ရင်ခုန်စရာကောင်းလှပါသည်။ သို့သော် အဖြေရလဒ်ကတော့ ဘာပဲဖြစ်ဖြစ် လက်ခံလိုက်ရသည်ပင် မဟုတ်ပါလား။ ဖြစ်လာသမျှကို အရှိအတိုင်းလက်ခံလိုက်ရသည်ပင်။
          “အစ်ကို၊ ကျွန်တော့်လို လေတံခွန်တစ်ခု မဖြစ်ချင်ဘူးလား”
          “မဖြစ်ချင်ပါဘူး၊ စွန်လေးရဲ့”
          “ဘာလို့”
ကျွန်တော်က ဘာမှပြန်မပြောပဲ ပုခုံးတွန့်ပြလိုက်သည်။
          “နေပါဦး၊ မင်းကကော လူမဖြစ်ချင်ဘူးလား”
          “မဖြစ်ချင်ဘူး၊ ကျွန်တော်က ငှက်ဖြစ်ချင်တာ”
          “ဘာလို့”
သူကဘာမှပြန်မပြောဘဲ ကျွန်တော်လုပ်သလို ပုခုံးတွန့်ပြပါသည်။ ကျွန်တော်ရယ်တော့ သူပါလိုက် ရယ်ပါသည်။ လေတံခွန်တစ်ခု ပုခုံးတွန့်ပြသည်ကို သင်မြင်ဖူးပါသလား။ သူ့ပုံစံမှာ အလွန်ရိုးရှင်း၍ ချစ်စရာကောင်းလွန်းပါသည်။
          အဲဒီနေ့က ကျွန်တော်တို့ ရယ်ဖြစ်ခဲ့ကြသည်။ အတူတူ။ အဲဒီနေ့က နေ၀င်ချိန်သည် ကျွန်တော်တို့ ရယ်သံများဖြင့် ပိုမိုသစ်လွင်ခဲ့ပါသည်။


xxxxxxxxxxxxxxxxxxx……xxxxxxxxxxxxxxxxxxxxx


(၄)
          “ငှက်တွေက ဘာလို့ ပျံနိုင်ကြတာလဲ အစ်ကို”
          “သူတို့က သူတို့ရဲ့ ပေါ့ပါးတဲ့ ခန္ဓာကိုယ်ကို ကမ္ဘာစွဲငင်အားဆီက ရုန်းကန်နိုင်မယ့် အတောင်ပံတွေ ရှိနေလို့ပေါ့”
          “ကျွန်တော် သူတို့လိုမျိုးပျံလို့ မရဘူးလားဟင်”
          “ပျံသန်းခြင်းဆိုတာ စကားကသာလှပတာ၊ အမှန်တော့ ရုန်းကန်ခြင်းတစ်မျိုးပဲ စွန်လေးရဲ့”
          “အစ်ကိုပြောတာ ကျွန်တော်သေချာ နားမလည်ဘူး”
အဲဒီနေ့ကတော့ စွန်လေးက ကျွန်တော်ပြောတာနားမလည်ဘူးဆိုကာ (လူတွေလို) ခေါင်းကုတ်ကာ နေပြန်ပါသည်။
          “အမှန်အတိုင်းပြောရရင် အစ်ကိုလည်း ပျံသန်းကြည့်ချင်ပါတယ်
          လွတ်လပ်စွာ ပျံသန်းကြည့်ချင်တယ်၊ ဒါပေမယ့် အစ်ကို ပျံသန်းခြင်းရဲ့ တန်ဖိုးကို
          သေသေချာချာ နားမလည်သေးဘူး”
          “ဟင်၊ အစ်ကိုကလည်း ၊ ဒါဆို အစ်ကို သေချာသိတဲ့ဟာ ပြောကွာ”
          “သေချာသိတဲ့ဟာလား”
          “အင်း၊ ပြော” ဆိုပြီး စွန်လေးက ကျွန်တော်ဘာပြောမလဲဆိုတာကို စိတ်ဝင်တစား နားထောင်လျက်ရှိပါသည်။
သူကပြောဆိုကာမှ ကျွန်တော်က ဘာပြောရမှန်းမသိဘဲဖြစ်ခဲ့ရသည်ကို ခုထိ မှတ်မိနေဆဲဖြစ်ပါသည်။ သေသေချာချာသိသည့်အရာလား။ ဘ၀မှာ ဘယ်အရာကို ကျွန်တော် သေချာပိုင်နိုင်စွာ သိပါသလဲ။ ( အခုအခါတွင် ကျွန်တော်ကို တစ်ယောက်ယောက်ကများ သေချာသိသည့်အရာတစ်ခုခု ပြောပါဆိုလျှင် ကျွန်တော်က လေးဖြူရဲ့မရေရာဘူးဆိုသည့် သီချင်းကို ဆိုပြလိုက်မည်ဖြစ်ပါသည်။)
“သေချာသိတဲ့ဟာလား၊ အစ်ကို သေချာသိတာတစ်ခုက မင်းကို အစ်ကို ခင်တွယ်နေပြီဆိုတာပဲ”
ကျွန်တော့်စကားဆုံးတော့ စွန်လေးက ဘာမှ ပြန်မပြောတော့ဘဲ ငြိမ်သက်သွားပါသည်။ ပြီးတော့ သူက ကျောက်ခဲတုံးလေးတွေကို ကောက်လိုက်၊ ဇယ်တောက်သလို တောက်လိုက်၊ အဝေးသို့လွှင့်ပစ်လိုက် လုပ်နေသည်။
“ဘာလို့ ၊ အစ်ကိုက ကျွန်တော့်ကို ခင်တွယ်ရတာလဲ”
“မသိဘူး” ဟု ကျွန်တော်က ရိုးရှင်းစွာ ဖြေခဲ့ပါသည်။ ဘ၀တွင် မသိသောအရာကို မသိဘူးဟု ရိုးရှင်းစွာ ၀န်ခံတတ်ဖို့လိုပါသည်။ သံယောဇဉ်ဆိုသည်မှာ ကိုယ်မသိလိုက်သည့် အချိန်မှာ ၀င်ရောက်လာတတ်၍ ကိုယ်တကယ်တမ်း သိလိုက်မိပြီး မကြာခင်မှာတော့ ကွယ်ပျောက်သွားတတ်ကြောင်း အဲသည်တုန်းက ကျွန်တော် မသိခဲ့။ လိပ်ပြာတစ်ကောင်က ပန်းလေးတစ်ပွင့်မှာလာနားသလို ပြန်ထွက်သွားသည့်အချိန်မှာလည်း ပန်းလေးတွင် လိပ်ပြာ၏ ခြေရာ မကျန်ခဲ့လျှင် အကောင်းဆုံးဖြစ်ပါလိမ့်မည်။ ကျွန်တော်တို့၏ ရင်ဘတ်တွင်တော့ ခြေရာထင်ဖို့ အကောင်းဆုံး သဲသောင်ပြင်ကြီးတစ်ခုရှိခဲ့ပါသည်။ ခြေရာထင်ကျန်နေရစ်ဖို့ ရောက်လာခဲ့သူရဲ့ အပြစ်လား၊ သို့မဟုတ် ခြေရာထင်ကျန်နိုင်သည် သဲသောင်ပြင်၏ အပြစ်လားဆိုသည်ကိုတော့ ကျွန်တော်က မစဉ်းစားချင်တော့။ ဘ၀၏ မေ့မေ့ပျောက်ပျောက်ကိစ္စများသည် လည်းကောင်း၊ မှတ်မှတ်ရရ ကိစ္စများသည်လည်းကောင်း အရာရာသည် ဘယ်အရာမှ ရေရာခြင်းမရှိခဲ့။လောကတွင် အချို့သော အဖြစ်အပျက်များသည် ခရေစေ့တွင်းကျ ရှာဖွေမနေဘဲ ချော်လဲရောထိုင်နေလိုက်ရုံပင် ဖြစ်ပါသည်။


xxxxxxxxxxxxxxxxxxx……xxxxxxxxxxxxxxxxxxxxx


(၅)
          ထိုနေ့က ကျွန်တော်စွန်လေးဆီ နောက်မကျဘဲ ရောက်ခဲ့ပါသည်။ စွန်လေးက ထုံးစံအတိုင်း ညောင်ပင်အိုကြီးအောက်တွင် ကျောက်ခဲလေးများနှင့် ဇယ်တောက်နေပါသည်။ ကျွန်တော့်ကို မြင်တော့ သူက ၀မ်းသာအားရကြိုဆိုပြီး သူပြောချင်တာတွေ ဆက်တိုက်ပြောပါတော့သည်။
          “အစ်ကိုရ၊ ရောက်လာတာ အတော်ပဲ၊ အစ်ကို့ကို စောင့်နေတာ
          အစ်ကို ကျွန်တော့်ကို တစ်ခု ကူညီနော်၊ ကူညီမယ်မလား၊
          ကူညီမှာပါ  အစ်ကိုက၊ ဟုတ်တယ်မလား”
အဲသည့်နေ့ကတော့ အရင်နှင့်မတူ တက်ကြွနေတဲ့ သူ့ပုံစံကို ကျွန်တော် အံသြခဲ့မိပါသည်။
          “ဖြည်းဖြည်းပြောပါ စွန်လေးရဲ့၊    အစ်ကို ဘာကူညီရမှာလဲပြော”
          “အင်း၊ မိုးပေါ်တက်ချင်လို့ အစ်ကိုရဲ့”
          “ဘုရားရေ၊   အစ်ကိုမှာ လေယာဉ်ပျံမှ မရှိဘဲ”
          “အာ… အစ်ကိုက လုပ်ပြီ၊ လေယာဉ်ပျံမလိုပါဘူး အစ်ကိုရဲ့ ကြိုးရှိရင်ရပြီ”
သူက အားကြိုးမာန်တက်ပြောနေသော်လည်း ကျွန်တော်က သေချာ မေးရပြန်သည်။
          “ကြိုးရှိရင် မိုးပေါ်ကို ရောက်လို့လား ၊ စွန်လေးရဲ့”
          “ရောက်တာပေါ့ အစ်ကိုရဲ့၊
          ကြိုးစ တစ်ဖက်မှာ ကျွန်တော်က နေမယ်၊ ကျန်တဲ့တစ်ဖက်ကို အစ်ကိုက ကိုင်ထားပြီး
          ကြိုးကို လျှော့လိုက်၊ ပြန်တင်းလိုက်လုပ်၊
လေတိုက်လာတဲ့အခါ ကျွန်တော်က တဖြည်းဖြည်း အပေါ်တက်သွားရော”
“ဟုတ်ရဲ့လား၊ အစ်ကို မလုပ်တတ်လောက်ဖူးထင်တယ်နော်”
“ဟုတ်ပါတယ်ဆိုမှ၊ လွယ်လွယ်လေးပါဆိုမှ၊ မလုပ်ပေးရင်လည်းပြီးရော၊
အစ်ကို့ကို မခေါ်တော့ဘူး”
စွန်လေးက ထိုသို့စိတ်မရှည်စွာ ပြောပြီး တစ်ဖက်လှည့် စိတ်ကောက်သွားပါသည်။
          “ကဲပါကွာ၊ စိတ်မကောက်နဲ့၊ အစ်ကို မင်းသဘောအတိုင်းလုပ်ပေးမယ်
မနက်ဖြန်ခါ ကြိုးယူခဲ့မယ်နော်” လို့ ကျွန်တော်က ပြောတော့ “ဟေး” ဆိုပြီး ပျော်ရွှင်စွာ ခုန်ပေါက်နေပြန်ပါသည်။ သူလိုချင်တာတစ်ခုကို ဘာမှ မစဉ်းစားဘဲ ပူဆာတတ်တဲ့ ကလေးတစ်ယောက်လိုမျိုး သူ့ကို ကျွန်တော် သဘောကျမိခဲ့ပါသည်။ ကလေးငယ်တစ်ယောက် ပူဆာသလို လူကြီးတစ်ယောက်ကများ ပူဆာနေခဲ့ပါလျှင် ဝေဖန်အပြစ်တင်ကြမည်လားဟု သင့်ကို ကျွန်တော်က လမ်းကြုံလျှင် မေးကြည့်ချင်ပါသေးသည်။


xxxxxxxxxxxxxxxxxxx……xxxxxxxxxxxxxxxxxxxxx


(၆)
          ထိုနေ့မှ စ၍ နောက်ရက်များတွင် စွန်လေးကို မိုးပေါ်သို့ လွှတ်တင်နိုင်သည့် သူရဲကောင်းတစ်ယောက်အဖြစ် ကျွန်တော် အသက်ရှင်ခဲ့ပါသည်။ အစပိုင်းတော့ ခက်ခဲသလိုရှိခဲ့ပေမယ့် နောက်ပိုင်းတွင်တော့ သူ့ကို မိုးပေါ်သို့ လွှတ်တင်ရသည်မှာ အလွယ်လေးဟု ကျွန်တော်က ထင်မြင်လာခဲ့ပါသည်။ သူပျော်ရွှင်နေသည်ကို မြင်ရတိုင်း ကျွန်တော် ပို၍ ပျော်ရွှင်ခဲ့ပါသည်။ သူ့ကို လွှတ်တင်ခဲ့သည့် ကြိုးက သူ့အတွက်တော့ ကောင်းကောင်းခိုင်မြဲခဲ့သလို ကျွန်တော်တို့ နှစ်ယောက်ကြားက မမြင်ရသည့် ကြိုးတစ်ချောင်းကလည်း ပို၍ပင် ခိုင်မြဲခဲ့ပါသည်။
          မိုးပေါ်တစ်နေရာတွင် သူက အပျော်ကြီး ပျော်ရွှင်ခဲ့ပါသည်။ သူသည် သူ၏ ပျော်ရွှင်မှု တစ်ခုအတွက် လွတ်လွတ်လပ်လပ် ပေါ့ပေါ့ပါးပါး ပျော်ရွှင်ရဲသူတစ်ဦး ဖြစ်ပါသည်။ ကျွန်တော်ကတော့ စွန်လေးလို မဟုတ်ခဲ့။ ပျော်ရွှင်လို့ပါဆိုပြီး တဟားဟားရယ်မောလိုက်လျှင် ကိုယ့်ကို အရူးတစ်ယောက်လို ၀ိုင်းကြည့်ကြမည်လားဟု စိုးရိမ်တတ်သူတစ်ဦး ဖြစ်ခဲ့ပါသည်။ အမြဲလိုလို ကျွန်တော်သည် အရာရာကို အကာအကွယ်တစ်ခုဖြင့် နေထိုင်ခဲ့သည်။ တကယ်တော့ ဘ၀တွင် ရယ်မောခြင်းသည်လည်းကောင်း၊ ငိုကြွေးခြင်းသည်လည်းကောင်း အရာရာကို အနည်းနှင့် အများတော့ စွန့်စားကာ နေကြည့်ဖို့ ကောင်းပါသည်။
          မိုးပေါ်တစ်နေရာဆီမှ စွန်လေးကတော့ ကျွန်တော့်ကို ပြောင်ပြလိုက်၊ လျှာထုတ်ပြလိုက်၊ ရယ်မောလိုက်နှင့် ပျော်ရွှင်မြူးတူးလို့ နေပါသည်။
          “မောနေပြီလား၊ စွန်လေးရဲ့”
          “မောပါဘူးနော်၊ ပျော်စရာကြီး၊
          ဒါနဲ့ အစ်ကိုရဲ့၊ အစ်ကိုယူလာတဲ့ ကြိုးက တိုနေတယ်
          နောက်တစ်ခါ အရှည်ကြီးယူလာခဲ့နော်၊ ဒါမှ ဟိုးအမြင့်ကြီးကို တက်လို့ရမှာ”
          “အေးပါကွာ၊ မင်းသဘော၊ မနက်ဖြန်ခါ အစ်ကို ကြိုးအရှည်ကြီးယူလာခဲ့မယ်နော်”
          “ကျေးဇူးပဲ၊ ဒီနေ့တော့ ဒီလောက်ပဲ၊ အစ်ကိုပြန်တော့နော်” ဟု ဆိုကာ သူ မလိုတော့သည့်အခါ အဲဒီလို နှင်လွှတ်တတ်မြဲဖြစ်ပါသည်။ ဘာပဲဖြစ်ဖြစ် သူ့အပေါ် စိတ်မဆိုးတတ်သည့် ကျွန်တော်ကို ကျွန်တော် အံသြခဲ့ရပါသည်။


xxxxxxxxxxxxxxxxxxx……xxxxxxxxxxxxxxxxxxxxx


(၇)
လေတိုက်နှုန်းကြောင့် ပြေးလွှားနေကြသော တိမ်တိုက်များသည် ကလေးငယ်များ ကောင်းကင်တွင် စိန်ပြေးတမ်းကစားနေကြသလို။ ဆည်းဆာ၏ အရောင်များသည် အမည်တပ်၍ မရသော အရောင်တို့ဖြင့် ပုံစံမျိုးစုံပြောင်းလဲလျက်။ နွေဦး၏ လေအဝေ့တွင် ညောင်ပင်အိုကြီးသည် သူ့ရင်ခုံသံများကို ခါချလိုက်ပေပြီ။
ကျွန်တော်ကတော့ စွန်လေးအလိုကျ ရှည်လျားလှသော ကြိုးတစ်ချောင်းဖြင့် ကောင်းကင်ပေါ်သို့ လွှတ်တင်ပေးခဲ့သည်။ လေသွားရာဘက်သို့ ကြိုးလျော့၍ မျောပေးလိုက်၊ အောက်စိုက်သွားသည့်အခါ ကြိုးကို အနည်းငယ် ပြန်တင်းလိုက်ဖြင့် စွန်လေးသည် ကျွန်တော်နှင့် ပို၍ဝေးကွာလာကာ အမြင့်တစ်နေရာဆီသို့ ရောက်ရှိနေပါသည်။ အချိန်ကာလတို့ ကြာလာသည့်အခါမှာတော့ စွန်လေးသည် ကျွန်တော်၏ မြင်ကွင်းမှ တဖြည်းဖြည်း မှုန်ဝါးသေးငယ်လာပါသည်။ အရင်ကလို သူကျွန်တော့်ကို ရယ်ပြနေလေသလား၊ သို့မဟုတ် သူကျွန်တော့ကို ပြောင်ပြနေလေသလားလို့ မှန်းဆကြည့်သော်လည်း သေချာမမြင်ရတော့။ သူပြောသည့်စကားသံ၊ ကလေးတစ်ယောက်လိုရယ်မောသံများကိုလည်း ကျွန်တော်မကြားရတော့။ သူသည် ကျွန်တော်နှင့် အလွန်ဝေးနေပြီဖြစ်ပါသည်။
ကျွန်တော် စိတ်တွင်တော့ တဖြည်းဖြည်း အထီးကျန်မှုကို ခံစားလာရပါသည်။ ကလေးဘ၀ကတည်းက ဤညောင်ပင်အောက်တွင် တစ်ယောက်တည်းနေခဲ့ဖူးပေမယ့် သူနှင့်တွေ့ပြီး နောက်ပိုင်းတွင်တော့ ကျွန်တော့်ခံစားချက်များက မတူတော့။ သံယောဇဉ်သည် ခံစားချက်၏ နေ၀င်ချိန်များကို အရောင်ပြောင်းပေးခဲ့ပြီ။ သူမရှိပါက ညောင်ပင်အိုသည် အထီးကျန်သော၊ လွမ်းမောစရာကောင်းသော တေးတစ်ပုဒ်ဖြစ်ခဲ့ပြီ။
ရုတ်တရက် ကျွန်တော်က လက်ထဲမှ ကြိုးကို အောက်သို့ ပြန်ဆွဲနေလိုက်သည်။ စွန်လေးသည် အောက်သို့ တဖြည်းဖြည်း ပြန်နှိမ့်လာခဲ့၏။ တစ်ခါ ကျွန်တော်က ခေါင်းကို ခါရမ်းကာ တစ်ချက် ရယ်မောမိပြန်သည်။ မဟုတ်သေးဘူး။ သူမရှိတာမှ မဟုတ်ဘဲ။ သူရှိနေပါသည်။ ဟိုးအမြင့်တစ်နေရာမှာပေါ့။ အခုဆို သူဖြစ်ချင်တဲက ငှက်တစ်ကောင်လို ကောင်းကင်တွင် လေဟုန်စီးပြီး သူအပျော်ကြီး ပျော်နေတော့မည်။ သူပျော်ရွှင်ရယ်မောလိုက်သံများကို သူနဲ့ ကျွန်တော့်ကြားက ဆက်သွယ်လို့ထားသည့် ကြိုးကတစ်ဆင့် ကျွန်တော်ခံစားလို့ရနေသည်ပဲ။
ဟုတ်ပါသည်။ သူပျော်နေပါသည်။ ကျွန်တော်သူ့ကို လွှတ်တင်ရပါမည်။ ကျွန်တော်နှင့် ဘယ်လောက်ဝေးဝေး။ ငှက်တစ်ကောင်လို သူ အမြင့်ကြီးမှာ ရှိရမည်။ ငှက်တစ်ကောင်ထက်ပင် သူပို၍ မြင့်စေရမည်။ ကျွန်တော့ အနားတွင် ရှိနေရမည်ဟူသော အတ္တကို ချိုးနှိမ်ကာ ကျွန်တော်က ကြိုးကို လျော့ပေးလျက်။


xxxxxxxxxxxxxxxxxxx……xxxxxxxxxxxxxxxxxxxxx


(၈)
ဒီနေ့ ကောင်းကင်တွင် တိမ်အများအပြားပျံသန်းလို့နေပါသည်။ ပျံသန်းသည်ဟု ဆိုရခြင်းမှာ လေတိုက်ရာ လွှင့်ပါးသူကို ကျွန်တော်က ဆိုလိုခြင်းဖြစ်ပါသည်။ ကျွန်တော်သိခဲ့သည့် စွန်လေးသည်လည်း ပျံသန်းသူဖြစ်ပါသည်။ တိတိကျကျပြောပါက မေတ္တာတရားဟူသော ကြိုးကို အသုံးပြု၍ ပျံသန်းသူဖြစ်ပါသည်။
ညနေဆည်းဆာတစ်ခု၊ တိမ်တိုက်အချို့၊ နွေဦးရာသီ၊ ညောင်ပင်အိုနှင့် ကျွန်တော့်ကို တွေ့လျှင် သင်သည် စွန်လွှတ်နေသော လူတစ်ယောက်ဟု ထင်ကောင်းထင်နေပေလိမ့်မည်။ တကယ်တော့ ကျွန်တော်မှာ စွန်လေးမရှိတော့ပါ။ သူသည် ကျွန်တော်နှင့် အလွန်ဝေးကွာသော ကောင်းကင် တစ်နေရာဆီမှ ကျွန်တော့်ကို ထာဝရ နှုတ်ဆက်သွားပြီဖြစ်ပါသည်။
ညောင်ပင်အိုအောက်တွင် ကြိုးတစ်ချောင်းနှင့် အလုပ်ရှုပ်နေသော ကျွန်တော့်ကို အရူးတစ်ယောက်ဟု သင် တွေးမိကောင်း တွေးမိနိုင်သည်။ ကျွန်တော်က ဂရုမစိုက်တော့။ ယခုဆိုလျှင် ကျွန်တော်သည် ပျော်စရာတွေ့လျှင် တဟားဟားရယ်မော၍ ငိုစရာတွေ့လျှင် ၀ါးခနဲ ငိုချတတ်ခဲ့ပြီ။ ဘ၀၏ ရှိနေသော အရာများနှင့် မရှိတော့သော အရာများအားလုံးကို တန်ဖိုးထားတတ်လာသလို၊ ပြန်မရနိုင်တော့သော အရာများအတွက်လည်း ကျွန်တော်က ယူကြုံးမရ ဖြစ်မနေတော့။ လက်ရှိ ရှိနေသောအရာများသည်လည်း တစ်ချိန်တွင် ပျောက်ကွယ်သွားမည်ကို ကျွန်တော်က သိတတ်ခဲ့ပြီ။
ကျွန်တော့်ကို ပြောခဲ့သော စွန်လေး၏ စကားများကိုတော့ ခုထိတိုင် မှတ်မိနေဆဲ ဖြစ်ပါသည်။
“ကျွန်တော်က ငှက်ဖြစ်ချင်တာ အစ်ကိုရ၊
ငှက်တစ်ကောင်လိုမျိုး၊ ပေါ့ပါးစွာ ပျံသန်းပစ်ချင်တာ”
“……………………………….”
“ကြိုးဆိုရင်လေ ၊ ဘယ်နှောင်ကြိုးကိုမှ ကျွန်တော်မလိုချင်ဘူး
အစ်ကိုလည်း ကျွန်တော့်ကို မခင်တွယ်ပါနဲ့တော့”
“……………………………………………..”
“အစ်ကို၊
ဒီတစ်ခါ ကျွန်တော် အမြင့်ဆုံးရောက်ရင်လေ ….
အစ်ကို ကြိုးကို ဖြတ်ပစ်လိုက်နော် …..
ကျွန်တော် ငှက်တစ်ကောင်ဖြစ်ခဲ့ရင် အစ်ကို့ဆီ ပျံသန်းလာမှာပေါ့
ပြန်ဆုံကြမယ်ထင်ပါတယ်”
“……………………………………………………” ။


ရင်နင့်အောင်
၂၅-၂-၁၁

Read more »

Posted in: ၀တ္ထုတို

ဒြပ်မဲ့များနှင့် ကခုန်ခြင်း

အား …

ကယ်ကြပါဦး ….



အား ………………….. ပြဿနာပဲ .. အသက်ရှုလို့ မရတော့ဘူး ..
ဘယ်လိုဖြစ်ရတာတုန်း …
မွေးကတည်းက ရှုလို့မကုန်တဲ့ လေတွေ ဘယ်ကို ရောက်သွားပါလိမ့် …

လေတွေ … လေတွေ .. ဘယ်မှာလဲကွ .. လူတွေ ဇွတ်ရှူလို့များ ကုန်သွားတာလား … စဉ်းစားစရာ … မဖြစ်နိုင်ပါဘူး .. နေပါဦး .. လေဆိုတာ ကုန်တဲ့ အမျိုးလား ..

အား.. အသက်ရှူလို့မရတော့ဘူး .. ငါ ..
ငါ..

ငါ.. သေ … တော့ .. မှာ .. လား ………
……………………………………………………………………………..
……………………………………………………………………………..

သတင်းတစ်ခု …

ကျွန်တော်တို့နေထိုင်ရာ .. ကမ္ဘာကြီး ပျက်စီးသွားတော့မှာ ဖြစ်ပါသဖြင့် … တခြား ကမ္ဘာအသစ်တစ်ခုသို့ ပြောင်းလဲနေထိုင်ရန် လေများကို ပြောင်းရွှေ့ထားကြောင်း ..

နောက်သတင်းတစ်ခု …

အမေရိကန်သမ္မတစီးနင်းလိုက်ပါလာသော ကားမှာ ရုတ်တရက် ဘီးပေါက်သွားပါသဖြင့် ၄င်းဘီးအား လေပြန်ဖြည့်ရန် ကမ္ဘာလေထု အားလုံးကို ယူသွားကြောင်း …

နောက်သတင်းတစ်ခု …

မန္တလေးမြို့၊ ချမ်းအေးသာဇံမြို့နယ်ရှိ ဘုရားပွဲတစ်ခုမှ မိုးပျံပူပေါင်းသယ် တစ်ယောက် လေထုအားလုံးကို အကုန်ယူသွားကြောင်း …

နောက်သတင်းတစ်ခု …

ကမ္ဘာပတ်ဝန်းကျင်ထိန်းသိမ်းရေးအဖွဲ့မှ .. ကမ္ဘာလေထုထိန်းသိမ်းရန်အတွက် .. တစ်ရက်ခြားတစ်ခါသာ လေထုပေးမည်ဖြစ်ကြောင်း …





အား.. အား…

ဒီသတင်းတွေ အသာထား .. ခု အသက်ရှူလို့ မရတာ ပြဿနာ …

အား ..

လေ …

လေ ......

လေဘယ်မှာရမလဲ …



“ဟေ့လူ … ခင်များသိလား .. လေဘယ်မှာ ရှိလဲဆိုတာ …”

ထိုလူက ကျွန်တော့် စကားကို ဂရုတောင်မစိုက်ပါဘူး ..။ သူ့ဘာသာ မြက်ရိတ်နေလေရဲ့။

“ဟာ .. ဟေ့လူ .. ခင်များကော သိလား .. လေမရှိရင် ကျုပ်တို့ သေသွားနိုင်တယ်ဗျ ..”

ဘာလဲဟ.. ဆိုသည့်ပုံစံဖြင့် … ကျွန်တော့်ကို ဘုကြည့်ကြည့်ပြီး ထွက်သွားပြန်တယ် ..။

လူတွေကို ကြည့်ပြန်တော့လည်း ပုံမှန်ပါပဲ .. ကျွန်တော်က လွဲလို့ပေါ. ။



“တောက် .. တော်တော်နေနိုင်ကြတဲ့ လူတွေ ..”

ကျွန်တော်အားမလိုအားမရ ကျိန်ဆဲမိပါတယ် ..။ ဟုတ်တယ်လေ .. ခင်များပဲ စဉ်းစားကြည့် .. လေမရှိလို့ ဘယ်ဖြစ်မလဲဗျ.။


………………………………………………………………………………………………………
………………………………………………………………………………………………………
………………………………………………………………………………………………………
………………………………………………………………………………………………………


ဒီလိုနဲ့ ကျွန်တော် .. ထွက်ပြေးခဲ့ပါတယ်။ ရောက်ချင်တဲ့ နေရာ ရောက်ပါစေ၊ ကျွန်တော် ပြေးပါတယ်။ အားသွန်ခွန်စိုက်။ အားလုံးကို ကျွန်တော် ကျော်ဖြတ်ခဲ့တယ်။ မရောက်ဘူးတဲ့ နေရာတွေလည်း ရောက်လို့။ ကျန်ရစ်ခဲ့တဲ့ ပုံရိပ်တွေဟာ တဖြေးဖြေးေ၀၀ါးလို့။ အရာရာဟာ မှုန်ဝါးလာတယ်။ ရင်ထဲမှာ မောဟိုက်လို့။ ပြေးလေ မောလေ။ မောလေ.. လေရှူချင်လေပေါ့ ..။ ဒါပေမယ့် လေရှိတဲ့ နေရာကို မရောက်နိုင်သေးဘူး။


………..

ရုတ်တရက် ကျွန်တော် ရပ်တန့်လိုက်မိတယ်။ မောလွန်းလို့ ဘာမှလည်း မပြောနိုင်။ လူတွေက ကျွန်တော်ကို မမြင်ဘူးတဲ့ သတ္တ၀ါတစ်ကောင်လို ၀ိုင်းကြည့်နေပါတယ်။ ကျွန်တော် ဂရုမစိုက်ပါဘူး။

နေမင်းဟာ ကျွန်တော် ခေါင်းပေါ်တည့်တည့်က ပူပြနေပါတယ်။ သစ်ပင်တွေဟာ ပိုပြီး ခြောက်သွေ့နေပါတယ်။

ရုတ်တရက် .. ကျွန်တော်ထိုင်ချလိုက်ပါတယ်။ ချွေးစီးချွေးပေါက်များနှင့် ကျွန်တော်တစ်ကိုယ်လုံး ရွှဲစိုလို့။ ဘာတွေဖြစ်ကုန်ပြီလဲ… လောကကြီး ဘာတွေဖြစ်ကုန်ပြီလဲ..။ ကျွန်တော် စူးစူးဝါးဝါး အော်ဟစ်လိုက်သော်လည်း ကျွန်တော်အသံတွေက မထွက်တော့။

“အား… အ .. အာ.. အူး ..”

ကျွန်တော် .. ဘာသံမှ မထွက်နိုင်တော့။

အိပ်မက်လိုလို၊ ကျွန်တော့် မှတ်ညဏ်တွေသည် ဟိုး.. ငယ်ဘ၀သို့ စိုက်ရောက်သွားသည်။


အဲဒီတုန်းက ကျွန်တော်က ရိုးရိုးစင်းစင်းလေး။ လိုချင်တာ သိပ်မများပါဘူး။ အင်း .. အရုပ်သေနတ်တစ်လက်နဲ့ .. မုန့်တစ်ခုရှိရင် ကျွန်တော် အိုကေပါပြီ။ နောက်တော့… တရိပ်ရိပ်နဲ့ ပြောင်းလဲလာခဲ့တာ ….



စာအုပ် … အ၀တ်အစား…

လက်ဖက်ရည် .. ကော်ဖီ … အိုင်းစတိုင်း …

ဆိုင်ကယ် .. တီဗွီ .. ရုပ်ရှင် … ဆေးလိပ် …

ကွန်ပျူတာ … သီချင်း .. ၀တ္ထု ..

လွတ်လပ်မှု … ပိုက်ဆံအိတ် .. အချစ် …

မိသားစု .. စိန်လက်စွပ် … ကဗျာ … စက်ရုပ် .. ပရာဒို …

မန်ချက်စတာ… စင်္ကာပူ .. စာမေးပွဲအောင်လက်မှတ် … လခ … ဆုတံဆိပ် …

ဖိနပ် … အိမ်တစ်လုံး … အလုပ်အကိုင် .. အင်တာနက် …

တည်ငြိမ်မှု … ဥယျာဉ် … အင်းယားကန်.. ၀င်္ကပါ .. စီဒီချပ် … နာရီ …



…………………………………
………………………………………..
…………………………………………………….

ဘာတွေလဲ .. ပြန်စဉ်းစားကြည့်တော့ .. ကျွန်တော် လိုချင်ခဲ့တာတွေ .. တော်တော်များခြဲ့ပီပဲ … တစ်နေ့တာ ကုန်ဆုံးဖို့အရေး အရာဝတ္ထုတွေ တော်တော်များများရှိမှ .. ကျွန်တော် ကုန်ဆုံးနိုင်တယ် …



“၀ါး… အား…”

ကျွန်တော် ..

ခု လိုချင်တာ တစ်ခုတည်း … “လေ …”

ဘယ်မှာလဲ … “လေ” ….

ဘာအရာဝတ္ထုကိုမှ …. ကျွန်တော် …….. မလိုချင်တော့ …………….။


“ဟေ့ လူ .. ခင်များ .. ဘာလုပ်နေတာလဲ …”

ရုတ်တရက် အသံလာရာကို ကြည့်မိတော့ လူတစ်ယောက်က ကျွန်တော့်ကို ကြည့်ပြီး မေးခွန်းထုတ်နေတယ်။



“ဟေ့ လူ .. ခင်များ .. ဘာလုပ်နေတာလဲလို့ ..”

ကျွန်တော် .. ဖြေချင်သော်လည်း … အသံမထွက်နိုင်တော့ ..။



ထိုလူက နောက်ထပ် ..ဆက်ပြောပါတယ် ….

”ဒီမယ် .. ဟေ့လူ …

ခင်များကို ကျွန်တော်ကြည့်နေတာကြာပြီ …

ခင်များ.. အဲဒီအတိုင်း ..

ခင်များ နှာခေါင်းနဲ့ ပါးစပ်ကို ဆက်ပိတ်ထားရင် .. မကြာခင် .. ခင်များ သေသွားလိမ့်မယ်ဗျ …” တဲ့ ။


ရင်နင့်အောင်

Read more »

Posted in: ၀တ္ထုတို,အက်ဆေး

မကောင်းဆိုးဝါးတစ်ကောင်ရဲ့ ရှာပုံတော်

၁။
မှောင်ပြပြညတစ်ညမှာ လမင်းက အိပ်ချင်မူးတူးနဲ့ တိမ်တိုက်ကြားက ထွက်လာတယ်။ ကြယ်တွေအချို့ကတော့ မှိတ်တုတ်မှိတ်တုတ်။ ကောင်းကင်စက်ဝိုင်းအောက်မှာ သစ်ပင်တို့က ဂီတသံစဉ်မပါဘဲ ယိမ်းထိုးလှုပ်ရှား ကခုန်လို့နေခဲ့တယ်။
“ဝေါ”
အေးစက်စက်လေက ဝေါခနဲ သိမ့်တုန်သွားအောင်တိုက်လိုက်တော့ သူအခန်းပြတင်းဝက ကန့်လန့်ကာများက အလန့်တကြား ရှဲကနဲဖြစ်သွားကြပေါ့။
“ဟင်း ………..”
သူသက်ပြင်းရှည်ကြီးကို ချလိုက်မိတယ်။ ဒီလို ညဥ့်နက်တဲ့အထိ မအိပ်ဘဲ တစ်စုံတစ်ယောက်ကို သူစောင့်နေခဲ့တာ ကြာပြီ။ သူ အမြဲ ယုံကြည်ထားတယ်။ သူ့ဆီကို သေချာပေါက် ရောက်လာမယ့် အရာတစ်ခုကို။ ဟုတ်တယ်။ သူ့ကို …။
“၀ုန်း”
အတွေးတို့ကား ရုတ်တရက် ပြတ်တောက်သွားပြီ။ သေချာတယ် … ဒီညမှာ သူစောင့်နေတဲ့ အရာ ရောက်လာလိမ့်မယ်။

၂။
ခြုံနွယ်ပင်များဖြင့် ပိတ်မှောင်နေသော ရှေးဟောင်းအိမ်အိုကြီးတစ်လုံးဟာ လူနေရပ်ကွက်တစ်ခုရဲ့ အစွန်အဖျားမှာ ရှိနေခဲ့တယ်။ မြို့ပတ်သံလမ်းအတိုင်း လျှောက်သွားလိုက်ရင် သုံး, လေးပြလောက်ဆို လူသူကျဲသွားတဲ့ ကွင်းပြင်ကြီးတစ်ခု။ အဲဒီကွင်းပြင်ကြီးတစ်ခုမှာတော့ အိမ်အိုကြီးတစ်လုံး။ အများသူငှာ ပြောကြတာက သရဲခြောက်တဲ့ အိမ်ကြီးတဲ့။
အဲဒီအိမ်ကြီးမှာ ဘယ်ကမှန်းမသိ။ ဘာလုပ်မှန်းမသိတဲ့ လူတစ်ယောက်ရှိနေခဲ့တယ်။ သူ့ကို သေသေချာချာလည်း ဘယ်သူမှ မမြင်ဖူးကြဘူး။ သူကလည်း ဘယ်ကိုမှ သွားလာလေ့မရှိဘူး။ အချို့က သူကိုယ်တိုင် နာနာဘ၀တစ်ကောင်လို့ ပြောကြတယ်။ အချို့ကလည်း သူဟာ အရူးတစ်ယောက်ပဲလား။ သို့လော၊ သို့လောနဲ့ ထင်မြင်ချက်ပေးကြတယ်။
ကလေးတွေ အငိုတိတ်စေချင်ရင် “နင့်ကို ဟိုအိမ်ကြီးက လူဆီပို့လိုက်မယ်” လို့ လူကြီးတွေက ခြောက်ခဲ့ကြတယ်။ လူကြီးတွေလည်း အချို့က ကြောက်နေကြတုန်းပဲ။ အချို့က မကြောက်ချင်ယောင်ဆောင်ကြတယ်။
“အလကားပါကွာ …. ဘာနာနာဘ၀မှ မယုံပါဘူး .. ကြောက်စရာလည်း မလိုပါဘူး ….” လို့ အချို့ကလည်းဆိုတယ်။
တစပြင်သဖွယ် အစွန်အဖျားက ကွင်းပြင်ကြီးတစ်ခုမှာတော့ ခြုံနွယ်တို့နဲ့ ပိန်းပိန်းပိတ်နေတဲ့ အိမ်အိုပျက်ကြီးတစ်လုံး။ ပြီးတော့ အဲဒီအိမ်မှာ နေတဲ့ လူတစ်ယောက်။ အဲဒီလူဟာ သူတို့ဆီ တစ်နေ့ရောက်လာမယ် ဆိုတာ။

၃။
“ဟား …ဟား … ဟား …..”
မိန်းမတစ်ယောက်ရဲ့ ကြောက်စရာကောင်းတဲ့ ရယ်သံများ ပျံ့လွှင့်လာပါပြီ။
သူ …။ စိတ်လှုပ်ရှားသွားတယ်။ သူလေ့လာနေတဲ့ နာနာဘာဝအကြောင်းများရေးထားတဲ့ စာအုပ်ကို ချလို့ ပြတင်းပေါက်ကို ဖွင့်၊ သူလိုက်ရှာတယ် ထိုမိန်းမကို။ ဘာဆိုဘာမှ မတွေ့ရ။ ဒီညမှာတော့ ကောင်းကင်က ကြယ်တွေရော လတွေရော မရှိကြဘူး။ တိမ်မည်းထုတို့က လောကကို မကောင်းစိုးဝါးသဖွယ် လွှမ်းခြုံထားတယ်။ ပတ်ဝန်းကျင်တစ်ခုလုံး မှောင်သည်ထက် မှောင်လို့နေလေပြီ။
“အို….”
လျှပ်စီးတစ်ချက်လက်တိုင်းမှာ မိန်းမတစ်ယောက်က သူကို အမှောင်ထုဆီက ရပ်ကြည့်နေသလို…။ သူစိတ်အထင်မှားနေသလား။ မဟုတ်ဘူး။ သေချာတယ်။ လူတစ်ယောက်၊ ပိုသေချာတာက မိန်းမတစ်ယောက် သူ့ကို အမှောင်ထဲက ကြည့်နေတယ်။
“သေချာတယ် တစုံတရာထူးခြားလာတော့မယ်”
ပြတင်းပေါက်တစ်ပေါက်ဆီက သူအပြင်ကို သေချာကြီးကြည့်နေခဲ့တယ်။ သစ်ပင်တစ်ခုအကွယ်က အရိပ်တစ်ခုထွက်လာသလား။ သစ်ပင်ကြီးကပဲ သူ့ကို လှည့်စားနေခဲ့သလား။
“၀ုန်း ….”
မိုးကြိုးတစ်ခု ကောင်းကင်ဆီက ပစ်ချလိုက်လေပြီ။ သူ လန့်သွားပေမယ့် သူ့စိတ်ကိုယ်သူ ထိန်းလိုက်နိုင်တယ်။ လေတွေကလည်း တဖြေးဖြေးတိုက်လာတော့ အနည်းငယ်အေးလာလို့ သူ့လက်မှာ ကြက်သီးမွှေးညှင်းတို့ ထလာတယ်။ သူမျက်စိကတော့ စောစောက မိန်းမတစ်ယောက်ကို ပြန်မြင်ဖို့အရေး မျက်တောင်တို့ပင် မခပ်နိုင်။ အသက်ရှူသံတို့ကား ပုံမှန်နှုန်းမဟုတ်တော့…။
“ဘယ်မှာလဲ …..”
အမှောင်ထုထဲ သူသေချာလိုက်ရှာနေတုန်း ………………။
ဖြတ်ခနဲ လျှပ်စီးတစ်ခု အလက် …..။
သူ့အနား …။ သူ့အနားရဲ့ မလှမ်းမကမ်းမှာ ရုတ်တရက်ပေါ်လာတဲ့ သွေးမျက်ရည်တို့ စီးကျနေသော မိန်းမတစ်ယောက်ရဲ့ မျက်နှာကြီးက ဗြုန်းဆို ပေါ်အလာ….။ သူ…။ လန့်ပြီး အနည်းငယ်နောက်ဆုတ်လိုက်တယ်။ သူလက်တွေကို ဖိညစ်ထားလိုက်မိတယ်။ ရုတ်တရက်။ ပြီးတော့ …
“မင်း … မင်း … မင်းဟာ မကောင်းဆိုးဝါးမလား …”
“ဟား ..ဟား ….ဟား …..”
အောင်ခေါင်ခြောက်ခြောက်နဲ့ ရင်ခေါင်းသံကြီးက ပတ်ဝန်းကျင်ကို စိုးမိုးပစ်လိုက်တယ်။ သူ … သူ … ထိုအသံကွဲအက်အက်ကြီးတစ်ခုမှာ မေ့လဲသွားခဲ့ပြီ။

၎။
သူသတိရလာတော့ သူ့မျက်လုံးတို့ကား ကျိန်းစပ်လို့နေပြီ။ ဘာကိုမှ မမြင်ရတော့သလို သူခံစားနေရတယ်။ သူ့အမြင်အာရုဏ်ထဲမှာ မိန်းမတစ်ယောက်ရဲ့ ခြောက်ခြားဖွယ်ရာ မျက်နှာကြီးတစ်ခု။ ပြီးတော့ သွေးမျက်ရည်များ။ အစွယ်ထက်ထက်တစ်စုံနဲ့။ နောက် ……….. ကြောက်မက်ဖွယ် ရယ်သံကြီးတစ်ခု။
သူ ခန္ဓာကိုယ်တစ်ခုလုံးကို လေးပင်စွာ ထလိုက်တယ်။ သူအခန်းထဲကို ၀င်ကာ ပစ္စည်းတစ်ခုကို အသည်းအသန်ရှာတယ်။ ဖုန်များ၊ ပင့်ကူမျှင်များနဲ့ ရှုပ်ထွေးလျက်ရှိသော ရှေးဟောင်းဗီဒိုကြီးများ တစ်ခုပြီးတစ်ခု၊ တစ်ခန်းပြီး တစ်ခန်း ဖွင့်လို့ သူ တစ်ခုခုကို လိုက်ရှာနေတယ်။

၅။
ဘီဒိုအဟောင်းတစ်လုံးရဲ့ အံဝှက်တစ်ခုမှာတော့ သူလိုချင်တဲ့ ပစ္စည်းကို တွေ့လိုက်ပါပြီ။
ကင်မရာတစ်လုံး။ ရှေးဟောင်းကင်မရာတစ်လုံးဖြစ်ပေမယ့် သေချာပေါက်ကောင်းနေဦးမယ်ဟု သူယုံကြည်လိုက်တယ်။
သူ ကင်မရာကို သေသေချာချာ သန့်ရှင်းပြီး စမ်းရိုက်ကြည့်လိုက်တယ်။
“ဂျောက်”
ကင်မရာဆီမှ မီးတစ်ချက်ဖြတ်ခနဲလင်းသွားပြီး အထဲက ဖလင်ရစ်လိုက်သံ ကြားလိုက်ရတယ်။ သူထင်ထားတဲ့အတိုင်း ကင်မရာက ကောင်းနေသေးတယ်။
သူခန္ဓာကိုယ်ဟာ လေတိုက်လိုက်တာနဲ့ လွှင့်ပါသွားမလိုဖြစ်နေတဲ့ကြားက သူကတော့ တစ်ချက်ပြုံးလိုက်တယ်။
“ဟုတ်ပြီ … ငါ … သက်သေပြရမယ် …
လူတွေကို .. ငါ သက်သေပြရမယ် ……” ။

၆။
နှုတ်ခမ်းမွှေး၊ မုတ်ဆိတ်မွှေး၊ ပါးသိုင်းမွှေးများက သူနေတဲ့ အိမ်အိုနံရံက ခြုံနွယ်တွေ ဗလပွပေါက်နေသလို သူ့မျက်နှာပေါ်မှာ ပေါက်ရောက်လို့နေခဲ့ပြီ။ သူ့ဆံပင်က ကျောအလယ်လောက်မှာ ခေါင်းမလျှော်ခဲ့တာကြာတော့ မာခေါက်လို့။ သူ့အသားရေတို့က နေရောင်နဲ့မထိတွေ့ခဲ့ကြာတော့ ဖြူဖတ်ဖြူရော်ဖြစ်နေခဲ့ပြီ။ တကိုယ်လုံးလည်း အရိုးပြိုင်းပြိုင်းထ။ သူကိုယ်သူပင် ထိန်းဖို့ခက်ခဲလွန်းနေခဲ့တယ်။
သူ…။
ကင်မရာတစ်လုံးကို ကိုင်ပြီး ညတိုင်းထိုင်စောင့်နေတယ်။
ကင်မရာရဲ့ ခလုတ်တစ်ခုကို သူကြည့်နေရာက ပြတင်းပေါက်ဆီကို လှည့်ကြည့်ဖို့အရေး သူ့ခေါင်းကို သူကြိုးစားပမ်းစား ထိန်းချုပ်ကာ လှမ်းကြည့်လို့။
သူ…. ပင်ပန်းခဲ့ပြီ။ ဟုတ်တယ်။ နေ့တွေများ၊ လတွေများ၊ နှစ်တွေများ။ သူတကယ် ပင်ပန်းခဲ့ပြီ။ အရာဝတ္ထုတို့ဟာ ဘယ်သူ့အလိုအတိုင်း အစီအစဉ်တကျ သို့မဟုတ် အစီအစဉ်မကျစွာ တည်ရှိဖြစ်တည်…၊ နောက်ဆုံး ပျောက်ကွယ်နေခဲ့သလဲ။ လူတွေနဲ့ ဝေးခဲ့လာတာနဲ့အမျှ သူဟာ လူတစ်ယောက်လို့ သူ့ကိုယ်သူ မေ့ထားခဲ့တာ ကြာပြီ။
“ဝေါ ….”
ညဟာ တိတ်ဆိတ်လွန်းအားကြီးရာက ရုတ်တရက် အသက်ဝင်လာသလို။ အဝေးတစ်နေရာဆီက မိုးရွာသံများကြားလိုက်ရတယ်။ ညဥ့်ငှက်ဆိုးတို့ရဲ့ အော်သံဟာ ရုတ်တရက် အိမ်ခေါင်းမိုးပေါ်တစ်နေရာဆီက လွှင့်ပျံ့ကာ။ သူကိုယ်တိုင် အသေကောင်တစ်ကောင်လိုဖြစ်နေရာက ရုတ်တရက် အသက်သွင်းခံလိုက်ရသလို ရင်ခုန်နှုန်းများမြှင့်တက် စတင်လှုပ်ရှားလာတယ်။
နာရီအိုကြီးရဲ့ စက္ကန့်သံ တချက်ချက်၊ ရေအိုးစင်က ရေကျသံ တပေါက်ပေါက်တို့က ညဥ့်နက်ရဲ့ ခြောက်ခြားမှုမှာ ပုန်းလျှိုးပျောက်ကွယ်နေပြီ။
“ဂျောက်… ဂျောက် …”
ရုတ်တရက် အသံတစ်ခုကို နားစွင့်နေသူမို့ သူသေချာ သတိထားမိလိုက်တယ်။ ပြတင်းပေါက်ဆီက အမှောင်ထုဆီကို သေချာကြီး လှမ်းကြည့်ပြီးမှ။ “မဟုတ်ဘူး …. ဒါ .. အပြင်က အသံမဟုတ်ဘူး” လို့ သူယူဆလိုက်ပြန်တယ်။ ဒါဆို ဘယ်က အသံလဲ။ ဘာအသံလဲ။
“ဂျောက် .. ဂျောက် ..ဂျောက် …”
ဟော။ အသံ။ ဟုတ်တယ်။ “စောစောက ကြားတဲ့ အသံပဲ” ။ သူ… အသံဘယ်ကထွက်နေတာကို အိမ်တစ်အိမ်လုံး အနံ့ လိုက်ရှာရင်းက ….
“ဂျောက် .. ဂျောက် ..ဂျောက် …”
ဟာ …။ သူတစ်ခုကို တွေ့ရှိသွားတယ်။ တံခါးတစ်ခု။ အိမ်နောက်ဖေးက တံခါးတစ်ခုမှာ။ အပြင်က တစ်ယောက်ယောက်က သော့ကို လှည့်ဖွင့်နေပြီ။
“ဂျောက် .. ဂျောက် ..ဂျောက် …”
သေချာတာပေါ့။ ………………။ သူလာ ပြီလား …။ တံခါးဟာ ပွင့်လုနီးနီး .. ပွင့်အံဆဲဆဲ … ။ အသုံးမပြုတာကြာလို့ ဖွင့်ရခက်နေတာလည်း ဖြစ်နိုင်တာပဲ။ သူထဖွင့်ကြည့်လိုက်ရမလား။ နေဦး..။ သူလောလို့မဖြစ်သေး။ တံခါးက စတင်လုပ်ရှားလာသလို။ အို ….။ ပွင့်တော့မှာလား .. ။ ပွင့်လာရင်ကော .. သူဘာကို တွေ့ရမှာလဲ။ သူအသက်ရှူချက်တို့က မြန်ဆန်လွန်းလာပြီ။ သူ့စိတ်တို့က ဆောက်တည်ရာမဲ့။
“ကျွီ” ……
တံခါး။
နောက်ဖေးက တံခါး။
ထိုတံခါးက ပွင့်ခဲ့လေပြီ။
သူကတော့ ကြိုတင်ပြင်ထားတဲ့ အတိုင်း ကင်မရာရဲ့ ခလုတ်တစ်ခုကို အနှိပ်။
မီးအလင်းရောင်တစ်ခုက ဖျက်ခနဲ အလင်း။
………………………….။


၇။
လောကဟာ ဈေးများ၊ လူနေအိမ်များ၊ ကလေးတစ်ယောက်ရဲ့ ငိုသံများ၊ အရက်သမားတစ်ယောက်ရဲ့ အတွေးအခေါ်များနဲ့ စည်ကားလို့ နေတုန်း။ တစ်နေရာရာကို သွားသူတွေ။ တစ်နေရာရာဆီက ပြန်လာသူတွေ။ ထင်းခုတ်သူ။ မီးမွှေးသူ။ သီချင်းဆိုသူ အစုံအလင်နဲ့။ သူကတော့ အိမ်အိုဟောင်းကြီးဆီက ဓါတ်ပုံအချို့နှင့်အတူ လူသူကြားထဲ စတင်ထွက်လာခဲ့တယ်။
ခင်ဗျားတို့ သိကြတဲ့အတိုင်း …
တစ္ဆေ .. သရဲ ဆိုတာ …
လူတော်တော်များများ ကြောက်ကြတယ် …
လူတော်တော်များများလည်း စိတ်ဝင်စားကြပေမယ့် …
ဘယ်လူကမှ သေချာမြင်ဖူးကြတယ်လို့ သက်သေမပြနိုင်ခဲ့ဘူး …။
သူကတော့ သက်သေပြဖို့ ထွက်လာခဲ့ ပြီ….။

၈။
သူ … လူတွေရှိတဲ့ ရပ်ကွက်ကို စ၀င်ဝင်ချင်းမှာ မိန်းမတစ်ယောက်ကို စတင်တွေ့ရှိလိုက်တယ်။ သူက ထိုမိန်းမကို မြင်မြင်ချင်း ပြုံးပြနှုတ်ဆက်ဖို့ ကြိုးစားလိုက်ပေမယ့် … ထိုမိန်းမ တုံ့ပြန်လိုက်ပုံက သူ့ကို တွေဝေသွားစေခဲ့တယ်။
သူမက သူ့ကိုတွေ့တာနဲ့ “အ .. မ ..လေး …သရဲဗျို့” ဆိုပြီး ထွက်ပြေးလေတော့တယ်။
သူက
“ဟေ့ .. ဟေ့ .. နေဦး … မိန်းကလေး .. ငါ .. သရဲ မဟုတ်ဘူး” လို့ အော်လိုက်ပေမယ့် သူ့အသံဟာ သူကိုယ်တိုင် တုန်လှုပ်ခြောက်ခြားဖွယ်ရာ ၀မ်းခေါင်းသံကြီးတစ်ခု ဖြစ်နေတာကို သူတုန်လှုပ်သွားခဲ့တယ်။
ဟင်။ ..ဒါ .. ငါ့အသံမဟုတ်ဘူး။ သူပြုံးလိုက်ပေမယ့် သူ့ပုံစံဟာ အစွယ်ကြီးထုတ်ပြတဲ့ မကောင်းဆိုးဝါးကြီး မာန်ဖီနေသလို။ ဟာ …။ ဘာတွေလဲ ..။  ဒါပေမယ့် သူဟာ လူတွေကို သူတွေ့ရှိခဲ့တဲ့ သရဲမတစ်ယောက်အကြောင်း သက်သေပြရဦးမယ် မဟုတ်လား။ သူဆက်လျှောက်လာခဲ့တယ်။
နောက်ထပ် မလှမ်းမကမ်းမှာပဲ လူတစ်စုကို ထပ်တွေ့တော့ သူပျော်သွားတယ်။
သူ့တို့အားလုံး သူ့ကို သတိမထားမိခင်မှာပဲ သူက အသံပေးလိုက်တယ် …။
“မိတ်ဆွေတို့ ဗျို့ ရောင်းရင်းတို့ …”
လူတစ်စုလုံး အလန့်တကြား သူ့ကို ၀ိုင်းကြည့်ပြီး အားလုံးဟာ မေ့လဲသူလဲ .. ထွက်ပြေးသူထွက်ပြေးကြ။
သူကိုယ်တိုင်လည်း တုန်လှုပ်ခြောက်ခြားသွားပြန်တယ် …။
ဒီတစ်ခါ သူက “မိတ်ဆွေတို့ ဗျို့ ရောင်းရင်းတို့ …” လို့အော်လိုက်ပေမယ့် သူ့ပါးစပ်ဆီကထွက်လာတာက မကောင်းဆိုးဝါးတစ်ကောင်ရဲ့ ပြင်းရှရှ ရယ်သံကြီးတစ်ခု ဖြစ်နေခဲ့တယ်။
“ဝေါင်း..ဟား …ဟား …ဟား …”
သူရှေ့ကို ဆက်လျှောက်တိုင်း လူတွေဟာ သူ့ကို မကောင်းဆိုးဝါးတစ်ကောင်အဖြစ် အားလုံးဟာ ကြောက်ရွံ့တုန်လှုပ်စွာ ထွက်ပြေးကြတယ်။ လူနေရပ်ကွက်တစ်ခုမှာ ကလေးတွေက ငယ်သံပါအောင်ငိုလို့။ လူကြီးတွေက ကလေးတွေပွေ့ချီ ထွက်ပြေးကြ။ လဲသူလဲ။ ကွဲသူကွဲ။ အော်သူအော်။ ငိုသူငို။ နောက်ဆုံး သူက ဆက်မလျှောက်တော့ဘဲ ရပ်တန့်လိုက်တယ် သူခြေလှမ်းတွေကို။
“ဟင် .. ဘာတွေ မှားယွင်းနေခဲ့လဲ …
ငါဟာ … လူသားတစ်ယောက်ပါ …..
ငါဟာ .. သာမန်လူသားတစ်ယောက်ပါ …
ငါဟာ … မကောင်းဆိုးဝါးတွေ အမှန်တကယ် ရှိကြောင်း …
မင်းတို့ကို … သက်သေပြချင်တာပါ …ဒီမှာ သေချာလာကြည့် .. မကောင်းဆိုးဝါးမတစ်ကောင်ရဲ့ ပုံ ..”
သူဘယ်လိုပဲ ပြောပြော … သူဆီက ထွက်လာတာက မကောင်းဆိုးဝါးတစ်ကောင်ရဲ့ ခြောက်ကပ်ကပ်ရယ်သံကြီးတစ်ခုသာ ဖြစ်နေခဲ့တယ်။ သူ…………..။
“ငါဟာ မင်းတို့နည်းတူ လူးသားတစ်ဦးပါကွဲ့ …
ငါ့ကိုယုံကြပါ… ငါ့ကိုတစ်ဆိတ်လောက်ယုံကြည်ပေးကြပါ …
ငါ့ကို… ငါ့ကို………..ယုံ ….ပါ
ငါဟာ မင်းတို့အတွက် ..ရောက်လာတဲ့ကောင် …
မင်းတို့မသိသေးတဲ့ မကောင်းဆိုးဝါးတစ်ကောင်ရှိကြောင်း သက်သေပြမယ့်ကောင် …
ငါ ဟာ …
ငါ ဟာ …………….”
နောက်ဆုံးတော့ သူထိန်းချုပ်ထားတဲ့ သူခန္ဓာကိုယ် ခပ်နဲ့နဲ့ဟာ ပုံခနဲ မြေပြင်ပေါ်လဲကျသွားခဲ့တယ်။
လေရူးတစ်ချက်က ဝေါခနဲတိုက်ခတ်သွားပေမယ့် သူဆံပင်မာခေါက်ခေါက်ကြီးကတော့ လှုပ်ခတ်မသွားခဲ့ဘူး။

×××××××××××××××××××××××××××××××××××××××××××××××××××××××

( နိဂုံး )
လူနေရပ်ကွက်တစ်ခုရဲ့ သင်္ချိုင်းတစ်ခုမှာ လူတွေက သူ့ကို မြေမြုပ်သင်္ဂြိုလ်လိုက်ကြတယ်။ သူသေသွားတဲ့အထိတော့ သူဟာ လူလား၊ နာနာဘ၀လားရယ်လို့ သေသေချာချာမသိကြဘဲ တစ်ယောက်တစ်မျိုး ထင်မြင်ချက်များနဲ့ လူတွေနေလာခဲ့တာပေါ့။

မိတ်ဆွေ ….
သင့်ဘ၀မှာ သူ့လို
မကောင်းဆိုးဝါးတစ်ကောင် သင့်ပတ်ဝန်းကျင်မှာ အမှန်တကယ်ရှိနေကြောင်း သက်သေပြဖို့ကြိုးစားခဲ့ဖူးပါသလား???
ဒါမှမဟုတ်။
သင့်ဘ၀မှာ
လူတစ်ယောက် မှားယွင်းနေကြောင်း သက်သေပြဖို့ကြိုးစားခဲ့ဖူးပါသလား????

ကျွန်တော်ကြိုးစားခဲ့ဖူးပါတယ်။ သက်သေလည်းရရော … ထိုသူမှားနေတဲ့အမှားက ကျွန်တော်ကိုယ်တိုင်လည်း (အကြိမ်ကြိမ် အထပ်ထပ်) မှားယွင်းနေခဲ့ကြောင်း အလန့်တကြားတွေ့ခဲ့ရပါတယ်။

ရင်နင့်အောင်

Read more »

Posted in: ၀တ္ထုတို

ကေသရာဇာမှန်လျှင် မုတ်ဆိတ်မရိတ်

၁။
တစ်နေ့ကပဲ လက်ဖက်ရည်ဆိုင်တစ်ဆိုင်မှာ ကျုပ်တို့အဖွဲ့ ဆုံဖြစ်ကြတယ်ဗျ။ ပန်းချီဆရာ ကိုဘသက်။ တေးရေးဆရာ အေတီမိုး။ ဗိသုကာဆရာ ကျော်ထွန်း။ တည်းဖြတ်ဆရာ ကိုကိုငြိမ်း ရော။ နောက် စာရေးဆရာလူငယ်အချို့နဲ့။ မိုဘာက အဖြူလေးတောင်ပါသပေါ့။ အဲဒီမှာ ကိုဘသက်က စလိုက်တဲ့ စကားပေါ့။

“ကိုရင်နင့်အောင် …. ခင်ဗျား မှန်ကော ကြည့်ဖြစ်ရဲ့လား”
“ဘာလို့လဲဗျ… အစမရှိ အဆုံးမရှိနဲ့ ခင်ဗျားစကားက”
“ဘာဖြစ်ရမလဲဗျ … ခင်ဗျားကိုယ် ခင်ဗျားလည်း ပြန်ကြည့်ဦး .. ဆံပင်က ဗုတ်သိုက် …
နှုတ်ခမ်းမွှေး.. မုတ်ဆိတ်မွှေးတွေက ကြည့်လို့ကို မဟန်တော့ဘူးဗျ….”
“အော် .. အဲဒါလား …. မအားဘူးဗျာ… မုတ်ဆိတ်ရ်ိတ်ဖို့ကို မအားဘူး …..”
“အန် … မုတ်ဆိတ်ရိတ်ဖို့တောင် မအားတဲ့လူတော့ ကျုပ် ခုမှပဲ တွေ့ဖူးတော့တယ် ရင်နင့်အောင်ရေ …”
ကိုကိုငြိမ်းက ရေနွေးကြမ်းငဲ့ရင်း တအံတသြကြီး ဆိုတယ်။ ကျုပ်ကလည်း ဘာပြန်ပြောရင်ကောင်းမလဲဆိုတာ မသိသေးခင်မှာပဲ အဖြူလေးက စကားစတယ်။ လာပြီ။ လာပြီ။ သူ့ထုံးစံအတိုင်း ကျုပ်ကို မြှောက်ပြောတော့တာပေါ့။
“ဟာ.. ဦးငြိမ်းရ… ကိုရင်နင့်အောင် လုပ်နေတဲ့ အလုပ်တွေ ကြည့်ပါဦး
ခုလိုနည်းပညာခေတ်ထဲမှာ အမှီလိုက်နေရတဲ့ အွန်လိုင်းဝက်ဘ်ဆိုက်တွေ … နောက် ဘာတဲ့ အီးကောမက်စ်တဲ့ .. ပြီးတော့ … မေးလ်စာဗာတွေဆိုလား…. ချက်စာဗာတွေဆိုလား.. အစုံလုပ်နေတယ်…
ဒါတင်လား .. မပြီးသေးဘူး… တစ်ဘက်မှာ သူဝါသနာပါတဲ့ သီချင်းက ရေးလိုက်၊ ဆိုလိုက်သေး… ပြီးတော့ ဒီဇိုင်းက ဆွဲလိုက်သေး”
ကျုပ်ကတော့ အဖြူလေးတော့ စပြီ ဆိုတာ သိလိုက်ပါပြီ။ (အမှန်တော့ သူပြောနေတာတွေ ကျုပ်က ဘာတစ်ခုမှ ကောင်းကောင်းသိတဲ့ကောင်မဟုတ်) တစ်ဖွဲ့လုံးက လည်း သူ့စကားကို အဟုတ်မှတ် နားထောင်နေတာကိုး။ သူကလည်း မပြီးသေးဘူး၊ ဆက်ပြောတယ်။
“ပြီးတော့ မိုဘာဆိုတဲ့ ဆိုရှယ်ဘလော့ခ်တစ်ခုမှာလည်း … စာတွေက ရေးရ ….
သူ့လောက် အလုပ်များတာ … မုတ်ဆိတ်ရိတ်နိုင်မလား” တဲ့။
ကဲ။ ကျုပ်က ဘာပြန်ပြောရမလဲ။ အားလုံးက အဖြူလေး စကားကို နားထောင်ပြီးတော့ သည်လိုမှတ်ချက်ပြုကြတယ်။
“လေးစားပါတယ် ကိုရင်နင့်အောင်” တဲ့။
“အဟမ်း .. အဟမ်း ..”
ဘာပြန်ပြောရမှန်း မသိတော့ ကျုပ်ကလည်း ချောင်းဆိုးလိုက်တာပေါ့။
ကိုကျော်ထွန်းက
“ဟုတ်တယ်ဗျို့ .. ကိုရင်နင့်အောင်ရေ .. ကျုပ်တို့တော့ … အမြဲအားယားနေတဲ့ အချိန် ..
ခင်ဗျားလို အလုပ်တကယ်လုပ်နိုင်တဲ့ .. လူတွေကို အားကျတယ်ဗျို့ …” လို့ သူတို့ချင်း တင်သွင်းလိုက်၊ ထောက်ခံလိုက်နဲ့ပေါ့ဗျာ။ အဖြူလေးကလည်း မပြီးသေးဘူးဗျ။
“ဒါပေါ့ .. ကိုကျော်ရ .. ကိုရင်နင့်အောင်လို လူမျိုး ..ကျုပ်တို့ နိုင်ငံမှာ အများကြီးလိုတယ်ဗျို့…”
ကဲ။ ကြီးလိုက်တဲ့စကား။
“အဲ … တော်ကြပါတော့ဗျာ .. ကျုပ်လည်း ခင်ဗျားတို့ မြှောက်လို့ မျက်နှာကျက် ကပ်နေပြီ”
ကျုပ်က စကားလမ်းကြောင်း ပြောင်းလို့ အဲဒီနေ့က ထပြန်လာခဲ့ပါတယ်။
အမှန်တော့ ကျုပ်ကလွဲလို့ ဘယ်သူမှ မသိဘူးဗျ။ ကျုပ် မုတ်ဆိတ်မရိတ်တဲ့ အကြောင်း။ မအားလို့ မရိတ်ရအာင် ကျုပ်က ဘာကောင်မို့လို့လည်းဗျာ။ ခင်ဗျားကော သိချင်လား။ သိချင်ရင်လာခဲ့။ တိုးတိုးလေးပြောပြမယ်။ ဒါက ထိပ်တန်း လျို့ဝှက်ချက်နော်။

၂။
ကျုပ်တို့ ဗမာစကားပုံတစ်ခုရှိတယ်လေ။ ဘာတဲ့။
“စားရကံကြုံတော့ မုတ်ဆိတ်ပျားစွဲ” တဲ့။ ကဲ။ ခင်ဗျားကော။ စားရကံ မကြုံချင်ဘူးလား။ ကြုံချင်တိုင်း ကြုံလို့တော့မရဘူးဗျ။ အဲ။ ကြုံလာရင်တောင် ခင်ဗျားမှာ မုတ်ဆိတ်ရှိမှ ဖြစ်မှာ။
ဟုတ်တယ်။ ကျုပ်လည်း စားရကံလေးများကြုံမလားလို့ပါ။ ကြုံလာရင်လည်း ပျားစွဲသာအောင် မုတ်ဆိတ်မရိတ်ဘဲ ထားထားတာဗျ။ ဒါကို လူတွေ မေးလာရင် ကျုပ်က စကားကြီး စကားကျယ်နဲ့ မုတ်ဆိတ်ရိတ်ဖို့တောင် မအားဘူးလို့ ပြောလိုက်တယ်လေ။ ဟား ..ဟား ..ဟား… ။ သိတယ်။ အဲလို..။ ခင်ဗျား မရယ်နဲ့။

၃။
သည်လိုနဲ့ ကျုပ်မှာ အလုပ်တွေလုပ်လိုက်။ စာတွေလျှောက်ရေးလိုက်။ (လျှောက်ရေးတာကို ပို့စ်မော်ဒန်လို့ ခေါင်းစဉ်က တပ်လိုက်သေး) နောက်။ အရက်ကလေးသောက်လိုက်။ စကားတွေလျှောက်ပြောလိုက်။ မလုပ်တာတစ်ခုပဲ။ မုတ်ဆိတ်လုံးဝ မရိတ်တော့ဘူး။ မရိတ်တော့ မုတ်ဆိတ်က သစ္စာရှိတယ်။ တော်တော်ကြီး (ကြည့်မကောင်းအောင်) ရှည်လာတယ်။ ဒါကိုပဲ။ အချို့က အထင်ကြီးကြတယ်။ အချို့က အထင်သေးကြတယ်။ မုတ်ဆိတ်ရှည်ရှည်၊ မျက်နှာချွန်ချွန်၊ လူရုပ်တောင် မပေါက်တော့တဲ့ ကောင်တွေရင် ဘယ်သူလဲမမေးနဲ့ ကျုပ်ပဲ။ ကောင်မလေးတွေကဆို ဒီဘဲကြီးက ဘာလဲဟ ပုံစံနဲ့ ဝေးဝေးက ရှောင်တယ်။ ကျုပ်ကတော့ ဂရုမစိုက်ပါဘူးဗျာ။ ဘာဖြစ်လဲ။ သူတို့မှ မသိတာ။ ဘယ်တော့ ပျားလာစွဲမလဲ စောင့်နေတာလေ။
အဲ။ ခက်နေတာက။ ကျုပ်နေတဲ့ မြို့ကြီး ပြကြီးမှာ ပျားလာစွဲဖို့နေနေသာ။ ပျားဆိုလို့ တစ်ကောင်မှ မတွေ့ရဘူး။ ခက်ပေဘူးလား။ ရှိတော့ရှိတယ်။ ယင်ကောင်တွေ။ ဟား ..ဟား..။ မုတ်ဆိတ်ကြီးနဲ့ မျက်နှာက အဆီပြန်၊ ချွေးက ပြန်တော့ နေရခက် ထိုင်ရခက်နဲ့။ ယင်ကောင်တွေက မုတ်ဆိတ်နား လာပြီး ရစ်သီရစ်သီ လုပ်ရင်တော့ ကျုပ်သိပ်မုန်းတယ်ဗျ။ လက်နဲ့ ခါရမ်းပြီး သည်ကောင်တွေကို နှင်ထုတ်ရတယ်။ စိတ်ထဲမှာတော့ ဒီယင်ကောင်တွေ .. သွားစမ်း။ မတန်မရာ။ ပျားစွဲဖို့ ထားပါတယ်ဆို ပေါ့။

၎။
မိတ်ဆွေတစ်ယောက်ကို မသိမသာ မေးကြည့်မိတယ်။
“နေပါဦး … ဒီမြို့မှာ ပျားမရှိဘူးလား … ကျုပ်နေလာတာကြာပြီ … ပျားလည်းမတွေ့ဘူးနော်”
သူက ဘာလဲဟဆိုတဲ့ ပုံစံနဲ့ မျက်လုံးကြီးပြူပြီး ပြန်ပြောတယ်။
“ဘာလုပ်မလို့တုန်းဗျ .. ခင်ဗျားက ပျားကို”
“ဘာရယ်မဟုတ်ဘူး… မေးကြည့်တာပါ” လို့ လျှောချလိုက်ရတယ်။ ဟုတ်တယ်လေ။ ဆက်ပြောလို့ သူကဇွတ်မေးရင် ကျုပ်ရဲ့ လျို့ဝှက်ချက်ကြီးက ပေါ်မှာ စိုးရတာကိုး။
တစ်ရက်တော့ဗျာ။ စာအုပ်တစ်အုပ်ကို ဖတ်ရင်း ကျုပ်အတွက် သိပ်ကို အဖိုးတန်တဲ့ သတင်းတစ်ခုပါလာတယ်။ တောတစ်တောမှာ ပျားတွေ အများကြီးရှိတဲ့ အကြောင်း။ ဟာ။ ဟုတ်ပြီ။ ကျုပ်အဲဒီတောကို သွားမယ်လို့ ကျုပ်ဆုံးဖြတ်ချက်ချလိုက်တယ်။

၅။
မပူပါနဲ့ဗျာ။ ရှိသမျှ အလုပ်တွေ ပစ်ပြီး ကျုပ်က အဲဒီတောကို သွားပြီ။ ဇာတ်လမ်းက အဲဒီမှာ စတော့တာပဲ။ တောကြီးကိုရောက်တော့ ။ အားပါးပါး။ တောကြီးက တော်တော်နက်တယ်ဗျို့။ မြိုင်ရာဇာတွတ်ပီဆိုရင်တော့ ဒီတောကို ဘယ်လောက်နက်နဲကြောင်း စာသီဖွဲ့လို့ အမဲလိုက်ပြီပေါ့။ ထားပါ။ ကျုပ်က တွတ်ပီမဟုတ်တော့ ပျားရှိတဲ့နေရာကို ရှာရမယ်လေ။ အမဲလိုက်ရအောင်လည်း ကျုပ်က သားကောင်တွေအကြောင်း ဘာမှ နားလည်တဲ့ကောင်မဟုတ်။ ပျားတွေကို တွေ့ရင်တော့ ….။ အင်း ……….ဟဲ...ဟဲ…။ ကျုပ်ကတော့ ကိုယ့်အတွေးနဲ့ကိုယ် ကြိတ်ရယ်လို့။
အဲသည်နေ့က တစ်နေကုန်နီးပါးပဲ ကျုပ်တောထဲ လျှောက်ကြည့်တယ်။ တောင်တွေကိုတက်လိုက်။ လျှိုမြောင်တွေထဲဆင်းလိုက်။ သစ်ပင်တွေကို လျှောက်ကြည့်လိုက်။ တောင်ကျချောင်းတွေကပါသေး။ ရေတံခွန်တွေက ပါသေး။ ဒါပေမယ့် ပျားဆိုလို့ လုံးဝမတွေ့ရသေးဘူး။ ငါဖတ်လိုက်ရတဲ့ စာအုပ်မှာတော့ ဒီတောမှာ ပျားတွေ အများကြီးရှိတယ်ဆိုပဲ။ ဘယ်နေရာပါလိမ့်နော်။ တောကြီးကလည်း နက်လိုက်တာဗျာ။ ကျုပ်မှာ ပါလာတဲ့ သံလိုက်အိမ်မြှောင်ကို သုံးပေမယ့်လည်း ကျုပ်မပြန်တတ်တော့ဘူး။ နည်းနည်းလည်း ကြောက်လာတယ်။ ပြီးတော့ တဖြည်းဖြည်း မှောင်လာပြီလေ။ ဘယ်လိုလုပ်မတုန်း။ ပင်က ပင်ပန်း။ ချွေးက ပြန်။ မုတ်ဆိတ်ကလည်း ချွေးတွေရွှဲနဲ့။ သေလုမျောပါး။
အဲလိုနဲ့ လျှိုကြီးတစ်ခုကို အဆင်း။ သစ်ပင်အကြီးတစ်ပင်အကွယ်က ထွက်လာတဲ့ တောကောင်ကြီးတစ်ကောင်နဲ့ ပက်ပင်းကြီး တိုးပါလေရောဗျာ။ ဘာကောင်ထင်လဲဟင်။ သေပြီ။ ခြင်္သေ့ကြီးဗျ။ လည်ဆံမွှေးဖွားဖွားကြီးနဲ့။ မျက်လုံးနီနီကြီးက ကျုပ်ကို အစိမ်းလိုက်ဝါးစားတော့မယ့်ပုံ။

၆။
“အဲ…. ကိုခြင်္သေ့ကြီး … နေကန်းလား… အဲ.. နေကောင်းလား”
“ဘာကွ” ဆိုပြီး ခြင်္သေကြီးက ကျုပ်ကို သေသေချာချာကြည့်တယ်။ ကြည့်တာမှ ကျုပ်ကို ၀ိုင်းကြီးပတ်ပတ်လုပ်ပြီး ကြည့်တာဗျ။ ကျုပ်က အလယ်မှာ။ သူက ကျုပ်ကို ပတ်ပြီးကြည့်နေတယ်ဗျာ။ စဉ်းစားကြည့်.။ ကျုပ်မှာတော့ ဒူးတွေကလည်းတုန်လို့။ ချွေးတွေကလည်း ပြန်လို့။ ခြင်္သေ့ကြီးက ကျုပ်ကို သေချာကြည့်တယ်။ သူကြည့်တာက နောက်ဆုံး ကျုပ်ရဲ့ မုတ်ဆိတ်နေရာကို ရောက်သွားတော့ သူ့ရဲ့ မျက်လုံးကြီးကို ပိုပြူးသွားတယ်။ ပြီးတော့ သူက မေးတယ်။
“နေစမ်းပါဦး  .. မင်းက ဘာအကောင်လဲ”
“ဗျာ … ကျုပ်က လူလေ”
“မဖြစ်နိုင်ဘူး…. လူဆိုရင် မုတ်ဆိတ်မွေးက အဲလောက်မရှည်နိုင်ဘူး …
ငါစားဖူးတဲ့ လူတွေထဲမှာ မုတ်ဆိတ်အဲလောက်ရှည်တာ မရှိဘူးကွ”
မြတ်စွာဘုရား။ ငါစားဖူးတဲ့ လူတွေဆိုပါလား။ ကျုပ်တော့သွားပြီ။ ပြေးလို့လည်း လွတ်မယ့်ပုံမပေါ်။ သေပြီဆရာ။ သူနဲ့ ပြန်ချရအောင်လည်း ဘယ်လိုမှ မဖြစ်နိုင်တော့။ ဒီတော့ နေဦး။ ကြံရဖန်ရမှာပေါ့။
“ဟုတ်ပါတယ်.. လူတွေက မုတ်ဆိတ်သိပ်မရှည်ပါဘူး…
ကျွန်တော်ကတော့ ခြင်္သေ့တွေရဲ့ မုတ်ဆိတ်ကို အားကျလို့ ခုလို ရှည်အောင်ထားထားတာပါ .” လို့ ဖားရတာတာပေါ့။ ခြင်္သေကြီးက တစ်ချက်တွေဝေသွားတယ်။ ဟဲ။ ပိုင်တယ်မလား။
“အန်… မင်းက လူကလူပဲ ..ခြင်္သေတွေကို အားကျစရာလား…
ဒီမယ် ဟေ့ကောင် လူ … ကေသရာဇာ ခြင်္သေ့တို့မည်သည် မုတ်ဆိတ်မရိတ်ဘူးကွ..”
ဗျာ….။ ကေသရာဇာ ခြင်္သေ့တို့မည်သည် မုတ်ဆိတ်မရိတ်ဘူးတဲ့။ မိုက်လိုက်တဲ့ စကား။ ဒါဆို လူတွေက မုတ်ဆိတ်ရိတ်ရမှာလား။ မရိတ်ရင် ဘာဖြစ်မှာတုန်း။ အင်း။ မရိတ်ရင် အချို့လူတွေက လူထူးလူဆန်းလိုကြည့်ကြမယ်။ အချို့လူတွေက ရွံကြမယ်။ ကျုပ်က ဘာပြန်ပြောရမလဲ စဉ်းစားနေတုန်း၊ သူက ကျုပ်အနားတိုးလာတယ်။
“အဲ … အစ်ကိုကြီး ခြင်္သေ့ .. ဘာလုပ်မလို့လဲဟင်”
“ဘာလုပ်ရမလဲ .. မင်းကို ငါ စားမလို့ပေါ့” လို့ ပြောပြောဆိုဆို .. ကျုပ်ကို ခုန်အုပ်လိုက်တယ်။
အား…………………………………………………………………………။

၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊၊

၇။

အဲဒီအိပ်မက်ကြီးမက်ပြီး လန့်နိုးလာတော့ ကျုပ် ရေချိုးခန်းထဲ အမြန်ပြေး၊ မုတ်ဆိတ်မွှေးတွေ ရိတ်ပစ်လိုက်တယ်။ ရင်တွေက တဒုန်းဒုန်းခုန်လို့။ ကြောက်လိုက်တာဗျာ။ ရိတ်ပစ်တယ်။ မုတ်ဆိတ်တွေကော။ နှုတ်ခမ်းမွှေးတွေကော။ အကုန်ပြောင်အောင် ရိတ်ပစ်လိုက်တယ်။
သြော်..။ လူဆိုတာ စားရကံကြုံအောင် စောင့်နေစရာမလိုဘူး မလား။ ကိုယ်စားရဖို့ ကိုယ့်ဘာသာ ရှာပေါ့ဗျာ .. လို့ ဖြေတွေးလေးတွေးရင်းပေါ့လေ။
ဒါပေမယ့် တစ်ခုပဲ။ ကျုပ်သိလိုက်ရတာက …. ။
ကေသရာဇာမှန်လျှင် (စားရကံ ကြုံလာဖို့အတွက်)  မုတ်ဆိတ်မရိတ်တဲ့။



ရင်နင့်အောင်
Sep, 2011

Read more »

Posted in: ၀တ္ထုတို