“နာမည်ကြီး သရုပ်ဆောင်များနှင့် ကျွန်တော်”

၁။
တစ်နေ့ ဘေလီကိုလင်ရဲ့ ရွှေရောင် သက္ကရာဇ်များမှာ လွှင့်မျှောနေတုန်း အိုင်ဆက်နယူတန်က ကျွန်တော်ကို ဖမ်းချုပ်ပြီး သုံးမြှောင့်ဖန်တုံးထဲသို့ ရိုက်သွင်းလိုက်တယ်။
………………
“အား ……………..”
သိပ်မကြာလိုက်ဘူး။ ဖန်တုန်းထဲက ကျွန်တော်ပြန်လွတ်လာတော့ …။ ကျွန်တော်ဆိုတာ မရှိတော့ဘူး။ ဘာမှန်းမသိတဲ့ လူ ခုနှစ်ယောက်ထွက်လာတယ်။ အားလုံးကလည်း ပုံစံမတူကြဘူး။ တစ်ယောက်နဲ့ တစ်ယောက်လည်း သိကြပုံမပေါ်။ ခက်ပြီ။ မင်းဘယ်သူလဲ။ ဘယ်ကလဲ။ အဲလိုအနေအထားနဲ့ တစ်ယောက်ကို တစ်ယောက်ပြူးကြည့်မိကြတယ်။
“ဖြောင်း … ဖြောင်း … ဖြောင်း ….”
အင်….။ ဘာသံတွေလဲ။ လက်ခုပ်သံတွေပါလား။ အိုင်ဆက်နယူတန်ကြီးက ပြုံးလို့။ လူတွေက သူတို့ကို ၀ိုင်းကြည့်နေပါကလား။ အဲဒီ လူခုနှစ်ယောက်က ကိုယ့်ကိုကိုယ် ပြန်ကြည့်မိကြတော့၊ အားလုံးဟာ အ၀တ်မပါ။ ဗလာတွေချည်း။ ရှက်လွန်းလို့ ထင်ပါတယ်။ ဖင်ပြောင်ပြောင်လေးကို လက်နဲ့ အုပ်ပြီး ထွက်ပြေးခဲ့ကြတယ်။ ရုတ်တရက်ဆိုတော့ သူတို့ကို ဘယ်သူမှ မဖမ်းမိလိုက်ဘူး။
အဲဒီနေ့က စ။ ကျွန်တော်ဆိုတာ မရှိတော့ဘူး။ ဘာဆို ဘာမှ မရှိတော့ဘူး။ ရှိတော့ ရှိတယ်။ ဘာမှန်းမသိတဲ့ လူခုနှစ်ယောက်။ သူတို့က သူတို့ကိုယ်သူတို့လည်း ဘာမှန်းမသိ။ ကဲ။ ခက်ပေဘူးလား။

၂။
ခရိုမာဆိုတာ ကျွန်တော်ပါ။ ကျွန်တော်ဆိုတာတော့ မရှိတော့ဘူး။
ထိုထို ဘာမှန်းမသိတဲ့ ပကတိခုနှစ်ယောက်ဟာ လူသူကြားထဲ တစ်ယောက်တစ်မျိုးစီ ၀င်ရောက်ခဲ့ကြရာက အချို့က ရုပ်မြင်သံကြားထဲသို့။ အချို့က ကြော်ငြာပိုစတာများသို့။ အချို့က ပန်းချီဆရာများထံသို့။ နောက်ဆုံးတော့ သူတို့နာမည်သူတို့သာ မသိတာ လူတွေရဲ့ စွဲလန်းတပ်မက်ခြင်းတွေကြား အမျိုးမျိုး သရုပ်ဆောင်ခဲ့ကြတယ်။
အချို့က ဒေးဗစ်ဘက်ခမ်းရဲ့ ဖိနပ်ပေါ်မှာ။
အချို့က ၀တ်မှုန်ရွှေရည်ရဲ့ ပါးပြင်ပေါ်မှာ။
အချို့က လီယိုနာဒိုရဲ့ ခါးပတ်ပေါ် ရောက်လို့။
အချို့က မဂ္ဂဇင်းတစ်အုပ်ရဲ့ မျက်နှာဖုံးဖြစ်လို့။
အချို့က ဖုန်းထဲ။ အချို့က ကွန်ပျူတာထဲ။ ဘာတွေလဲကွယ်။ သူတို့က သူတို့အချင်းချင်း အဖြေရှာကြတယ်။ သူတို့အားလုံးလည်း မသိခဲ့ဘူး။ ခရိုမာကတော့ ခေါင်းခါလို့။

၃။
စက်ဝိုင်းထဲကို သူတို့တခါတလေ၀င်ထိုင်ခဲ့ရတယ်။ တစ်ခါ လေးထောင့်ကွက်ထဲ မတ်တပ်ရပ်ခိုင်းပြန်တယ် သူတို့ကို။ မပြီးသေးဘူး။ တခါတလေများဆို သူတို့ကို ရောနှောပစ်လိုက်ကြတယ်။ ဘာမှန်းမသိတဲ့ တစ်ယောက်ထွက်လာပြန်ရော။ တစ်ခါပြန်ခွဲထုတ်။ တစ်ခါ မကြိုက်ဘူးဆိုပြီး တစ်ယောက်က ပြန်ပေါင်း။
“ဟာ..။ တော်ကြပါတော့ဗျာ …” လို့ သူတို့ အော်တယ်။ တောင်းပန်တယ်။ စိတ်ဆိုးတယ်။ ဒေါသထွက်တယ်။ မရဘူး။ သူတို့ဟာ ဘာကိုမှ ပြန်ပြောခွင့်မရှိတဲ့ကောင်တွေ။

၎။
တစ်နေ့။
လူတွေက သူတို့ကို ပြပွဲလုပ်ကြတယ်။ လူတွေကပဲ သူတို့ကို လာကြည့်ကြတယ်။
သူတို့တစ်ဦးနဲ့ တစ်ဦး လက်တွဲထားတဲ့ပုံ။
သူတို့တစ်ဦးပေါ်ကို တစ်ဦးဆင့်ထားတဲ့ပုံ။
သူတို့အားလုံး ကင်းမြီးကောက်ထောင်ထားတဲ့ပုံ။
သူတို့ကို စက်ဝိုင်းထဲ ကုန်းကွကွလုပ်ထားတဲ့ပုံ။
သူတို့ကို တြိဂံထဲသို့ မချိမဆန့် ဖိညစ်ထည့်ထားတဲ့ပုံ။
သူတို့ထဲက အချို့ကို ရောပစ်လိုက်ပြီး ဆန့်ဆန့်ကြီးလုပ်ထားတဲ့ပုံ။
သူတို့ကို ကိုယ်တစ်ပိုင်းဖြတ်ပြီး ပက်လက်လှန်ထားတဲ့ပုံ။
“အင်း… ဒီနေ့ခေတ်ရဲ့ ဆာလောင်မွတ်သိပ်မှုတွေကို ဖောက်ထွက်ပစ်လိုက်တဲ့ ကွန်တန်ပိုရီပဲ”
သူတို့ကို လာကြည့်တဲ့ လူတစ်ဦးက ကောက်ချက်ချသွားတယ်။
သူတို့ ခေါင်းကုတ်ပါတယ်။ ဘာတွေလဲ။ ဘာတွေလဲ။ လူတွေ ငါတို့ကို ဘာလုပ်နေတာလဲ။ လူတွေ ငါတို့ကို မျက်လုံးပြူးကြီးနဲ့ ဘာလာကြည့်ကြတာလဲ။ သူတို့ မသိဘူး။ ကျွန်တော်လည်း မသိဘူး။ မသိဆို ကျွန်တော်က ရှိမှ မရှိတော့တာ။

ရင်နင့်အောင်

Posted in: ၀တ္ထုတို