2:02 PM
ရင်နင်အောင်
အခန်း - ၁
အမှားတွေက
မိုးလိုရွာနေတော့
ကမ္ဘာကြီးတောင် စာမေးပွဲကျသွားတယ် ….
အရာရာကို ထင်ထင်ရှားရှားမြင်ရဖို့
သင်ခန်းစာတွေကို လှေခါးလုပ်တက်ခဲ့ပေမယ့်
ခုချိန်ထိလမ်းမလျှောက်တတ်သေးဘူး ….
ကြားခဲ့ရတဲ့ ပုံပြင်ထဲမှာတော့ ….
နောင်တနဲ့ …အမှန်တရားဟာ ရေပန်းအစားဆုံးဖြစ်ခဲ့တယ် ….
အတ္တနဲ့ ငွေကြေးဟာ … အသိမ်မွေ့ဆုံးဖြစ်ခဲ့တယ် …
အချစ်ဆိုတာ .. တစ်စုံတစ်ယောက်အတွက် … ငိုကြွေးခြင်းဖြစ်ခဲ့တယ် …
မေးခွန်းတွေမှားနေတဲ့ စာမေးပွဲဟာ …
ကျောင်းသားကို ကျောင်းသားလို့ .. သဘောမထားခဲ့ဘူး ..
လူဆိုတာ …
ယုံကြည်ချက်နဲ့ … စိတ်ကစားမှုနဲ့ …
မာနနဲ့ .. အရှုံးပေးခြင်းနဲ့ ….
ဘယ်လိုစာမေးပွဲမဆို .. ငါတို့ .. ၀င်ဖြေကြတာပေါ့ ……..။
ကျရှုံးခဲ့သော ဘ၀စာမေးပွဲများ အမှတ်တရ ..
-
စာဖတ်သူရော အမှားတွေအများကြီးလုပ်နေတုန်းပဲလား - တကယ်တမ်းကျတော့ - အဖြေကမှားတာလား .. မေးခွန်းကမှားတာလားဆိုတာ ကျွန်တော်တို့ ပြန်စစ်ဆေးသင့်ပြီထင်တယ် -
အခန်း - ၂
ရင်ခုန်သံသက်သက်နဲ့ ခင်းကျင်းခဲ့ပေမယ့်
အပေါက်အပြဲနဲ့ ခါးဝတ်ပုဆိုးလို
ဇာတ်ခုံပေါ်မှာ
ငါ … ဟန်ချက်တွေပျက်ခဲ့ပေါ့ ..။
အေးလိုက်ပူလိုက်နဲ့ကွာငါ့ရင်ဘက်က ညည်းငြူတယ် …
တကယ်ဆိုအဆိပ်တွေ သောက်ခဲ့ပြီးမှ
နောင်တရခဲ့သလိုမျိုးပရိတ်သတ်ရှေ့မှာ
ငါ.. ကိုယိုကားယားရယ်ပါ …။ငိုမျက်ရည်စိုရွဲနစ်နေတဲ့ ညက အပြန်
ငါ့လက်ထဲကနေတစ်စင်း ….
လွတ်ကျကွဲ .... လို့ …ငါ…
ငိုလိုက် ရယ်လိုက်ထခုန်လိုက် …နဲ့
နောက်ဆုံးတော့ ..ငါကန့်လန့်ကာ တစ်ခုရဲ့ နောက်ကွယ်မှာ
တိတ်တိတ်လေး …အိပ်စက်ချင်သူပါ ..။------------------
ကိုယ့်အမှားကိုယ် ဖုန်းဖိထားရင်းပဲ ... ပုဆိုးအပေါက်ကို ဖုန်းဖို့ လှည့်ဝတ်နေရသလို ကိုးယို့ကားယားနဲ့လေ -
မြင်ကြည့်စမ်းပါ - ဘယ်လိုပုံကြီးလဲဆိုတာ -
ကဲခင်များရော -
Posted in: ကဗျာ
0 အကြံပြု ထင်မြင်ချက်များ:
Post a Comment