ဗင်းဆင့်နှင့်အတူ လွှင့်ခဲ့တဲ့ ပင်လယ် (၂)

ကယ်တွေစုံပြီလား။
မစုံတော့ပါဘူး။
ခု အားလုံးက ဘက်ဂီယာထိုးနေပြီ။ ခင်ဗျားက ဘာကြောင့်များ လေလွင့်လူ လုပ်နေဦးမလဲ။


နွေရာသီက ပေါ့ပေါ့ပါးပါး ပူပြလိုက်တယ်။ ရန်ကုန်မှာ ထမင်းစား၊ ရေသောက် မိုးရွာတယ်။ ဂျပန်မှာ အပျင်းပြေ ငလျင်လုပ်နေပြီ။ တကယ်တော့ ခင်ဗျားဖတ်နေတဲ့ ကျုပ်ဝတ္ထုက ပျင်းစရာကြီး။ ဘာလို့များ အလုပ်ရှုပ်ခံ ထမင်းစားနေဦးမလဲ။ ဖေါက်ထွက်မယ်ဆို ခင်ဗျားလည်း ထမင်းမစား၊ အသက်မရှူဘဲ အသက်ရှင်ပေါ့။ ခုတော့ အားလုံးက နေကိုပတ်မှ ဂြိုလ်လို့ သတ်မှတ်နေကြတုန်း။ တစ်ခုပဲ။ ကြယ်တွေက စုံမှ မစုံတော့တာကိုး။


သံပုရာသီးတစ်လုံးကို ညစ်ချလိုက်တယ်။ လူတွေရဲ့ ငါ့အပေါ်ထင်မြင်ချက်တွေ ထွက်လာတယ်။ အနှစ်သာရ ဆိုတာကိုက အနှစ်တွေကို သာယာနေတာလား။ ကဲ။ ခုချိန်ဆို ချန်ပီယံလိပ်တွေ စလေတော့မယ်။ ငါက ဘောလုံးတစ်လုံးကို လုံးလို့ လုံးမှန်းမသိသေးဘူး။ ရှက်ကီရာရဲ့ အကမှာ လွှင့်မျှောလို့နေတုန်း ငါဟာ ဖဲတစ်ချပ်ထဲက နှုတ်ခမ်းမွှေးကားယား ကင်းတစ်ကောင်ဖြစ်သွားရသလား။ မခံချင်ဘူး။ အားလုံးက ဘူဘူချင်း တစ်ဖြစ်ချင်နေကြတယ်။
ပန်းပွင့်တွေကို ကျဲလိုက်ပေမယ့် ကဗျာမဆန်ခဲ့ဘူး။ လေထန်ကုန်းမှာ အရင်လို လူတွေ မစီတော့ဘူး။ အနုပညာဆိုတာ ကျောပိုးအိတ်ထဲထည့်ပြီး လူတွေကို ထုတ်ကြွားစရာ တစ်ခုဖြစ်ခဲ့ပြီ။ ပြောကြစမ်းပါဦး။ ငါက ရေမြောင်းငါးတစ်ကောင်ဆိုတာ သိတယ်။ ဒါပေမယ့် ခု ငါပြောချင်တာက ကြယ်တွေမစုံတော့ဘူး။ ငါ့ပတ်ဝန်းကျင်မှာလည်း ကြယ်တွေ မရှိတော့ဘူး။ ငါ….။ ငါ ၀မ်းနည်းတယ်။ ဟား.. ဟား ..ဟားးး။


လရိပ်ကို ပြာတယ်လို့ ပြောရဲ့တဲ့ ထူးအိမ်သင်က မရှိတော့ချိန်မှာ ငါက အပေအတေ ကျောင်းဆင်းချိန်မှာ အသေအကြေ တိုက်ပွဲမ၀င်တော့ဘူး။ သွားပြီ။ ဒါဆို အလွမ်းတွေ နေ၀င်ချိန်မှာ ဘယ်ကဗျာကမှ တိမ်မတောက်နိုင်တော့ဘူးလား။ ငါက ချပြလိုက်တဲ့ ငါဆိုတဲ့ အရာထဲမှာ ငါ ဆိုတဲ့ အတ္တတွေ ပါသွားမိတာ ငါ မှားများ မှားသွားသလားဟင်။ ခက်တယ်။ လေတိုက်တိုင်း ငါက ခေါက်ရိုးကျိုးရဦးမယ်တဲ့။ ပတ်ဝန်းကျင်ဆိုတဲ့ မီးကြွေအိုးတစ်အိုးရဲ့အောက်မှာတော့ ငါ ခေါက်ရိုးမကျိုးချင်သေးဘူး။ ငါ့ကို နားလည်ကြပါ။ ငါ့ကို နားလည်ပေးကြပါ။ ငါဟာ ဘာမှ မဟုတ်တဲ့ ကောင်ဖြစ်ပေမယ့် ငါက တောက်လောင်ချင်တုန်းပါ။


ဘ၀ဆိုတာကိုက စိတ်လေစရာကောင်းနေခဲ့တယ်။ အရှိအတိုင်းချပြလိုက်တာကို သေချာရဲ့လား ကွန်ဖန်း (confirm) မလုပ်ပါနဲ့။ ငါက အိုကေကိုပဲ ကလစ်မယ့်ကောင်။ လောကမှာ ဆောရီးမရှိတော့ဘူး။ ကန်ဆယ် (Cancel)  မရှိတော့ဘူး။ အန်ဒူး (Undo) မရှိတော့ဘူးလေ။ ငါတို့က အဂရီး (Agree) လုပ်ရမယ့်ကောင်တွေ။ နားလည်ကြလား။


ကဲ။ ပြီးသွားပြီ။ လေထုတစ်ခုတည်းကို ကြိုးစားပမ်းစား ရှူသွင်းလိုက်ကြပေမယ့် ငါတို့ဟာ အယူအဆတွေချင်း မတူညီနိုင်သေးဘူး။


ခုဆို အရက်တစ်ခွက်ထဲကို ဒိုက်ပစ်လိုက်တာတောင် ဘ၀က ကဗျာမဆန်တော့ဘူး။ ကဲ။ ဘယ်လိုလုပ်မလဲ။ ငါ့မှာ ကင်ဆာလည်း မဖြစ်သေးတော့၊ ကင်ချီလည်း မကြိုက်သေးတော့ ကိုရီးယားလည်း မဆန်တတ်သေးဘူး။ ဒါပေမယ့် ငါဟာ အတိတ်မြက်ခင်းစိမ်းမှာ ကျက်စားချင်တုန်းပါ။ ပင်လယ်အော်သံမှာ ကခုန်ချင်တုန်းပါ။ ငါဟာ ဘာကိုမှ မတတ်သိသေးတဲ့ ငအ၊ငန တစ်ကောင်ဖြစ်ပေမယ့် သန်းခေါင်ယံနောက်၊ ကောင်းကင်အောက်မှာ ဂျစ်ပစီမိုးတိမ်လို လွှင့်ပါးချင်တုန်းပါ။ ပြောစမ်းပါဦး။ ငါက ခေတ်နောက်ပြန်ဆွဲနေတဲ့ ဆိုက်ကားတစ်စင်းပေလား။


ခုတော့ ကုန်သွားပြီ။ မီးညှိလိုက်ကတည်းက ငါက ဘာ စီးကရက်မှန်း မသိခဲ့တဲ့ကောင်။ ပိုက်ဆံရှင်းမှ အငြင်းမပွားတော့ဘူး။


ငါ့ပါးပြင်ပေါ်ကို ကျလာတဲ့ ကြယ်တစ်စင်းရဲ့ မျက်ရည်။ ဘာတွေလဲကွာ။ နှလုံးသားဗုံသံ ပွက်ပွက်ဆူနေတုန်းတော့ ငါ့ကို အနမ်းပန်းရဲ့ ကဗျာဆန်မှုတွေ ခဏခဏလာမပြောပါနဲ့။ ငါဟာ မိုးတိမ်တွေရဲ့နောက် တကောက်ကောက်လိုက်မယ့်ကောင်။ ငါဟာ ဆိုက်ပရက်စ်လမ်းလယ်မှာ ရှင်သန်နေတဲ့ အရိပ်မရှိတဲ့ သစ်ပင်တစ်ပင်။ ငါဟာ အာလူးစားဖို့ ကဗျာမရေးရဲ့တဲ့ကောင်။ ငါဟာ ကော်ဖီဆိုင်တစ်ဆိုင်ရဲ့ ဟင်းလင်းပြင်ကို ကြယ်တွေ ချမပြရဲတဲ့ကောင်။ ခက်ပြီ။ ငါက လေထုအားကိုးနဲ့ သစ်ရွက်ကြွေတွေကို ပန်းချီမဆွဲရဲသေးဘူး။


ထားလိုက်ပါတော့ဗျာ။ ခုတော့ ဒီလောက်ပဲ။ ကနေတဲ့ ဇာတ်က မှားခဲ့ပေမယ့် ငါက ဘ၀ကို ရောယောင်ချ ကပြချင်သေးတဲ့ကောင်။ အဲဒီကတည်းက မှားနေပြီမဟုတ်လား။
ဟုတ်ပါပြီ။ ငါ..။ နားလည်ပြီ။ ငါသွားတော့မယ်။ ငါ့နားရွက်ကို ငါမဖြတ်ရဲသေးပေမယ့် ငါချပြရမယ့် ပင်လယ်တစ်ခုဆီကို ငါက ရွက်လွှင့်ရဲခဲ့ပြီ။ ခုတော့ ပြီးသွားတာ ကျေးဇူးတင်ပါတယ်ဗျာ။ ဗင့်ဆင့်ကိုတော့ ငါက ။


ရင်နင့်အောင်

Posted in: အက်ဆေး